வார ராசிபலன் 15-10-2015 முதல் 21-10-2015 வரை (துலாம் முதல் மீனம் வரை)

துலாம் ராசி வாசகர்களே

உங்கள் ராசிக்கு அதிபதி சுக்கிரன் குரு, செவ்வாய் ஆகியோருடன் கூடி ராசிக்கு 11-ம் இடத்தில் உலவுவது சிறப்பு. கேதுவின் சஞ்சாரம் அனுகூலமாக இருப்பதால் ஒன்றுக்கும் மேற்பட்ட இனங்களில் ஈடுபட்டு ஆதாயம் பெறுவீர்கள். மதிப்பும் அந்தஸ்தும் உயரும். நீண்ட நாட்களாக நினைத்திருந்த காரியங்கள் இப்போது நிறைவேறும். உடன்பிறந்தவர்களால் நலம் உண்டாகும். பிள்ளைகள் நலம் மகிழ்ச்சி தரும். அதிர்ஷ்ட வாய்ப்புகள் கூடிவரும். எதிர்ப்புகள் விலகும். வழக்கில் வெற்றி கிடைக்கும்.

போட்டிகளிலும் பந்தயங்களிலும் ஈடுபாடு உள்ளவர்களுக்கு பரிசுகல் கிடைக்கும். கலைஞர்களது நிலை உயரும். பெண்களின் நோக்கம் நிறைவேறும். ஜோதிடம், மருத்துவம், ரசாயனம், ஆன்மிகம் துறைகளைச் சேர்ந்தவர்கள் முன்னணிக்கு உயருவார்கள். 2-ல் சனியும், 12-ல் சூரியன், ராகு, புதன் இருப்பதால் குடும்பத்தில் சிறுசிறு பிரச்சினைகள் ஏற்படும். கண், கால் சம்பந்தமான உபாதைகள் சிலருக்கு ஏற்படும். 18-ம் தேதி முதல் சூரியன் ஜென்ம ராசிக்கு இடம் மாறுவதும் சிறப்பாகாது. உடல் நலனில் கவனம் செலுத்தி வருவது நல்லது. அதிர்ஷ்டமான தேதிகள்: அக்டோபர் 15, 16, 18 (பிற்பகல்).

திசைகள்: வடமேற்கு, வடகிழக்கு, தெற்கு, தென்கிழக்கு.

நிறங்கள்: மெரூன், இளநீலம், வெண்மை, பொன் நிறம், சிவப்பு.

எண்கள்: 3, 6, 7, 9.

பரிகாரம்: சூரியன், ராகுவுக்குப் பிரீதி, பரிகாரங்களைச் செய்து கொள்வது நல்லது. துர்கைக்கு நெய் தீபமேற்றி வழிபடவும். சூரியனுக்காகக் கோதுமை தானம் கொடுக்கவும்.

விருச்சிக ராசி வாசகர்களே

உங்கள் ராசிநாதன் செவ்வாய் 10-லும், 11-ல் சூரியன், புதன், ராகுவும் உலவுவது சிறப்பு. மனதில் துணிவும் தன்னம்பிக்கையும் கூடும். எதிரிகளின் கரம் வலுக்குறையும். வழக்கில் நல்ல திருப்பம் உண்டாகும். இயந்திரப்பணிகள் லாபம் தரும். இன்ஜினீயர்களது நிலை உயரும். எரிபொருட்கள், மின்சாதனங்கள், வெடிப்பொருட்கள், கட்டிடப் பொருட்கள் ஆகியவை மூலம் ஆதாயம் கிடைக்கும். அரசியல் ஈடுபாடு ஆக்கம் தரும். நிர்வாகத் திறமை கூடும். வியாபாரிகளுக்கு லாபம் அதிகரிக்கும். கணிதம், எழுத்து, பத்திரிகை, தரகு தொழில்களில் ஆதாயம் கிடைக்கும்.

நிலபுலங்களின் சேர்க்கையோ, அவற்றால் ஆதாயமோ பெற வாய்ப்பு உண்டாகும். எலெக்ட்ரானிக், கம்ப்யூட்டர் துறை லாபம் தரும். தெய்வப் பணிகளுக்காகவும் தர்மப்பணிகளுக்காகவும் செலவு செய்ய வேண்டிவரும். ஜென்ம ராசியில் சனி இருப்பதால் அலைச்சல் அதிகரிக்கவே செய்யும். அதிகம் உழைக்க வேண்டி வரும். உடல் நலம் ஒருநாள் போல் மறுநாள் இருக்காது. வாரப் பின் பகுதியில் பண வரவு சற்று அதிகரிக்கும். 5-ல் கேதுவும் 10-ல் குருவும் இருப்பதால் பிள்ளைகளால் சிறுசிறு இடர்பாடுகள் உண்டாகும்.

உத்தியோகஸ்தர்களுக்கும் உழைப்பாளர்களுக்கும் அளவோடு நலம் உண்டாகும். 18-ம் தேதி முதல் சூரியன் 12-ம் இடம் மாறுவது சிறப்பாகாது. கண் உபத்திரவம் சிலருக்கு ஏற்படும்.

அதிர்ஷ்டமான தேதிகள்: அக்டோபர் 16, 18 (பிற்பகல்).

திசைகள்: தென்மேற்கு, வடக்கு, கிழக்கு, தெற்கு.

நிறங்கள்: சிவப்பு, வெண்சாம்பல் நிறம், பச்சை, ஆரஞ்சு.

எண்கள்: 1, 4, 5, 9.

பரிகாரம்: ஆஞ்சநேயரை வழிபடவும். சனிக்கு நல்லெண்ணெய் தீபமேற்றி வழிபடவும். எக்காரியத்தில் ஈடுபடுவதற்கு முன்பும் விநாயகரை வழிபடுவது நல்லது.

தனுசு ராசி வாசகர்களே

குரு பலம் ஓங்கி இருக்கிறது. சூரியன், செவ்வாய், புதன், சுக்கிரன், ராகு அனுகூலமாக உலவுகிறார்கள். இதனால் உங்கள் எண்ணங்கள் எளிதில் நிறைவேறும். ஒன்றுக்கும் மேற்பட்ட தொழில்களில் வருவாய் கிடைத்துவரும். உடன்பிறந்தவர்களாலும் பிள்ளைகளாலும் நலம் உண்டாகும். மகப்பேறு பாக்கியம் சிலருக்கு இப்போது கிடைக்கும். புத்திசாலித்தனம் பளிச்சிடும். செயலில் வேகம் கூடும்.

எலெக்ட்ரானிக், கம்ப்யூட்டர், மருத்துவம், ரசாயனம், விஞ்ஞானம், ஆன்மிகம் துறைகளைச் சேர்ந்தவர்களுக்கு செழிப்பான சூழ்நிலை நிலவிவரும். அரசியல் ஈடுபாடு ஆக்கம் தரும். புதிய பதவி, பட்டங்கள் கிடைக்கும். 4-ல் கேதுவும், 12-ல் சனியும் இருப்பதால் வீண் செலவுகளைத் தவிர்ப்பது நல்லது. தாய் நலனில் கவனம் தேவை. தொழிலாளர்கள், விவசாயிகளுக்கு குறுக்கீடுகள் ஏற்படும். 18-ம் தேதி முதல் சூரியன் 11-ம் இடம் மாறுவதால் அரசு உதவி கிடைக்கும். தந்தையால் அதிக நலம் உண்டாகும்.

அதிர்ஷ்டமான தேதிகள்: அக்டோபர் 15, 18 (பிற்பகல்).

திசைகள்: தென்மேற்கு, வடகிழக்கு, தென்கிழக்கு, கிழக்கு, வடக்கு.

நிறங்கள்: பச்சை, புகை நிறம். வெண்மை, இளநீலம், பொன் நிறம், சிவப்பு.

எண்கள்: 1, 3, 4, 5, 6, 9.

பரிகாரம்: சனி, கேதுவுக்கு அர்ச்சனை, ஆராதனைகளைச் செய்து வழிபடுவது நல்லது. கறுப்பு எள்தானம் செய்வது நல்லது. கால் ஊனமுள்ளவர்களுக்கு உதவவும்.

மகர ராசி வாசகர்களே

ராசிநாதன் சனி 11-ல் உலவுவது விசேஷம். புதன், சுக்கிரன், கேதுவின் சஞ்சாரம் அனுகூலமாக இருப்பதால் செய்து வரும் தொழில் விருத்தி அடையும். பொதுநலப்பணிகளில் ஈடுபாடு கூடும். நண்பர்கள் உதவுவார்கள். தொலைதூரத் தொடர்பு பயன்படும். வியாபாரிகளுக்கு லாபம் அதிகமாகும். கலைஞர்கள் அளவோடு நலம் பெறுவார்கள். பெண்களுக்கு சிறுசிறு பிரச்சினைகள் ஏற்பட்டு விலகும். தொழிலாளர்களுக்கும் விவசாயிகளுக்கும் முன்னேற்றமான சூழ்நிலை நிலவிவரும்.

இரும்பு, எஃகு, எண்ணெய் தொழில் லாபம் தரும். பழைய நண்பர்களது சந்திப்பு நிகழும். 18-ம் தேதி முதல் சூரியன் 10-ம் இடம் மாறுவதால் அரசு சம்பந்தமான காரியங்கள் நிறைவேறும். தந்தையால் நலம் ஏற்படும். வாரப் பின்பகுதியில் செலவுகள் சற்று அதிகரிக்கும். சிக்கனத்தைக் கடைபிடிப்பது நல்லது. 8-ல் செவ்வாய் இருப்பதால் எக்காரியத்திலும் பதற்றப்படாக் கூடாது. நிதானமாக ஈடுபட்டால் சங்கடங்களுக்கும் விபத்துக்கும் ஆளாகாமல் தப்பலாம். வீண்வம்பு, சண்டைகளைத் தவிர்க்கவும். சகோதர நலனிலும் மக்கள் நலனிலும் கவனம் தேவை.

அதிர்ஷ்டமான தேதிகள்: அக்டோபர் 15, 16.

திசைகள்: மேற்கு, வடமேற்கு, வடக்கு, தென்கிழக்கு.

நிறங்கள்: பச்சை, நீலம், மெரூன்.

எண்கள்: 5, 6, 7, 8.

பரிகாரம்: செவ்வாய், முருகனுக்கு அர்ச்சனை, ஆராதனைகளைச் செய்வது நல்லது.

கும்ப ராசி வாசகர்களே

உங்கள் ராசிக்கு 7-ல் குருவும் 10-ல் சனியும் உலவுவது சிறப்பு. புதன் 8-ல் தன் சொந்த வீட்டில் சஞ்சரிப்பதும் சிறப்பு. தெய்வ தரிசனமும் சாது தரிசனமும் கிடைக்கும். தர்ம குணம் மேலோங்கும். அயல்நாட்டுத் தொடர்பு ஓரளவு பயன்படும். உழைப்பு வீண்போகாது. தொழிலாளர்கள், விவசாயிகளுக்குச் செழிப்புக் கூடும். எதிரிகள் அடங்குவார்கள். வழக்கில் நல்ல திருப்பம் உண்டாகும்.

பொருளாதார நிலை உயரும். நல்லவர்கள் பக்கபலமாக இருப்பார்கள். சமுதாய நல முன்னேற்றப்பணிகளில் ஈடுபாடு உண்டாகும். வியாபாரிகளுக்கு லாபம் கூடும். கணிதம், எழுத்து, விஞ்ஞானம், பத்திரிகை துறைகளைச் சேர்ந்தவர்கள் முன்னணிக்கு உயருவார்கள். 2-ல் கேதுவும், 8-ல் சூரியனும் ராகுவும் இருப்பதால் எதிலும் நிதானமாக ஈடுபடவும். வீண்வம்பு கூடாது. புதியவர்களிடம் அதிகம் நெருக்கம் வேண்டாம். 18-ம் தேதி முதல் சூரியன் 9-ம் இடம் மாறுவதும் சிறப்பாகாது. கணவன்-மனைவியிடையே சிறுசிறு கருத்து வேறுபாடுகள் ஏற்படும்.

அதிர்ஷ்டமான தேதிகள்: அக்டோபர் 15, 16, 18 (பிற்பகல்).

திசைகள்: வடகிழக்கு, மேற்கு, வடக்கு.

நிறங்கள்: பச்சை, நீலம், பொன் நிறம்.

எண்கள்: 3, 5, 8.

பரிகாரம்: சூரியன், ராகு, கேதுவுக்குப் பிரீதி, பரிகாரங்களைச் செய்து கொள்ளவும்.

மீன ராசி வாசகர்களே

உங்கள் ஜென்ம ராசிக்கு 6-ல் செவ்வாய் உலவுவது விசேஷம். இதனால் உங்கள் பராக்கிரமம் வெளிப்படும். எதிர்ப்புகளைக் கடந்து வாழ்வில் வெற்றி பெறுவீர்கள். வழக்கில் சாதகமான போக்கு தென்படும். பொறியியல், சட்டம், காவல், ராணுவம் துறைகளைச் சேர்ந்தவர்களுக்குச் செழிப்பான சூழ்நிலை நிலவிவரும். இயந்திரங்கள், எரிபொருட்கள், மின் சாதனங்கள், வெடிப் பொருட்கள், தளவாடங்கள் லாபம் தரும். காடு, மலை, வனாந்தரங்களில் தொழில் புரிபவர்கள் முன்னேற்றம் காண்பார்கள்.

எலக்ட்ரானிக், கம்ப்யூட்டர் போன்ற நவீன விஞ்ஞானப் பொருட்கள் லாபம் தரும். ராசிநாதன் குரு 6-ல் இருப்பதால் உடல் நலனில் கவனம் செலுத்தவும். பொருளாதாரம் சம்பந்தப்பட்ட பணிகளில் இருப்பவர்கள் பொறுப்புடன் காரியமாற்றுவது அவசியம். 18-ம் தேதி முதல் சூரியன் 8-ம் இடம் மாறுவதால் உஷ்ணாதிக்கம் அதிகரிக்கும். தந்தை நலனில் கவனம் செலுத்த வேண்டிவரும். அரசுப்பணியாளர்கள், அரசியல்வாதிகள் விழிப்புடன் செயல்படுவது அவசியம். மறைமுக எதிரிகள் இருப்பார்கள்; எச்சரிக்கை தேவை.

அதிர்ஷ்டமான தேதிகள்: அக்டோபர் 16, 18 (பிற்பகல்).

திசை: தெற்கு.

நிறம்: சிவப்பு.

எண்: 9

பரிகாரம்: கோளாறு திருப்பதிகம் வாசிக்கவும். சிவவழிபாடு நலம் தரும்.