சொர்க்க வாசல் இலவச தரிசனத்துக்கு திருப்பதியில் 9-ம் தேதி டோக்கன் விநியோகம்

திருப்பதி: திரு​மலை​யில் வைகுண்ட ஏகாதசியை முன்னிட்டு, வரும் ஜனவரி 10-ம் தேதி முதல் 19-ம் தேதி வரை சொர்க்க வாசல் தரிசனம் செய்ய ஏற்பாடுகள் செய்​யப்​பட்​டுள்ளன.

இதற்காக ஏற்கெனவே ரூ.300 மற்றும் ஸ்ரீவாணி அறக்​கட்டளை டிக்​கெட்டுகள் ஆன்லைனில் வெளி​யாகிவிட்டன. இந்நிலை​யில், சொர்க்க வாசல் வழியாக சென்று ஏழுமலை​யானை இலவசமாக தரிசனம் செய்ய வரும் 9-ம் தேதி அதிகாலை 5 மணி முதல் திருப்​ப​தி​யில் ராமச்சந்​திரா புஷ்கரணி, பூதேவி காம்ப்​ளக்ஸ் (அலிபிரி) உட்பட மொத்தம் 9 இடங்​களில் 91 மையங்கள் அமைத்து இலவச டோக்​கன்கள் வழங்​கப்​படும். ஆதார் அட்டையை காண்பித்து டோக்​கன் பெற்றுக் கொள்ள வேண்​டும். டோக்​கன் இல்லாமல் ஏழு​மலை​யானை தரிசிக்க இய​லாது என​ தேவஸ்​தானம் தெரி​வித்​துள்​ளது.