திருவோண நட்சத்திர நாளில் திருமாலை தரிசிப்போம்!

திருவோண நட்சத்திர நாளில், திருமாலைத் தரிசிப்போம். வாழ்வில் நல்ல நல்ல திருப்பங்களையெல்லாம் நமக்குத் தந்தருள்வார் மகாவிஷ்ணு.

பொன் கிடைத்தாலும் புதன் கிடைக்காது என்பார்கள். இன்றைக்கு புதன் கிழமை. பொதுவாகவே, புதன் கிழமை, மகாவிஷ்ணுவுக்கு உகந்த உன்னதமான நாள். இந்த நாளில், அருகில் உள்ள பெருமாள் கோயிலுக்குச் சென்று, அவரை வழிபடுவது ரொம்பவே விசேஷம் வாய்ந்தது.

புதன் கிழமை நன்னாளில், பெருமாள் வழிபாடு, வாழ்வில் உள்ள அத்தனை பிரச்சினைகளையும் தீர்த்து வைக்கும் என்பார்கள். சிக்கல்களையெல்லாம் களைந்தெடுக்கும் என்பார்கள். தடைப்பட்ட நல்ல விஷயங்களையெல்லாம், நல்ல காரியங்களையெல்லாம் விரைவில் நடத்தித் தந்தருள்வார் நாராயணன் என்று போற்றுகிறார்கள் ஆச்சார்யப் பெருமக்கள்.

புதன் கிழமையான இன்றைய நாளில்... பெருமாளின் நட்சத்திரமான திருவோண நட்சத்திரமும் சேர்ந்தே அமைந்திருப்பது கூடுதல் சிறப்பு. இன்றைய நாளில், ஏராளமான பக்தர்கள், திருவோண விரதம் மேற்கொண்டு பெருமாளை ஸேவிப்பார்கள்.

ஆகவே, அருகில் உள்ள பெருமாள் கோயிலுக்குச் செல்லுங்கள். துளசி மாலை சார்த்துங்கள். மனதாரப் பிரார்த்தனை செய்யுங்கள். மங்கல காரியங்கள் இனிதே நடந்தேறும். தங்குதடையின்றி அரங்கேறும்.

நாராயண நாமம் சொல்லுங்கள். நாராயண தரிசனம் செய்யுங்கள். நல்லதே நடக்கும். நல்லதுதான் நடக்கும்!