பொங்கலோ பொங்கல்: அவியல்

என்னென்ன தேவை?

வெள்ளைப் பூசணி, பரங்கிக்காய் - தலா கால் கிலோ

கேரட், செளசெள - தலா கால் கிலோ

புளிப்பு மாங்காய், வாழைக்காய் - தலா ஒன்று

உருளைக்கிழங்கு – 2

கறிவேப்பிலை - சிறிதளவு

தேங்காய் எண்ணெய், உப்பு – தேவையான அளவு

அரைக்க

கடுகு - ஒரு டீஸ்பூன்

தேங்காய்த் துருவல் - ஒரு மூடி

காய்ந்த மிளகாய் - 8 முதல் 10

எப்படிச் செய்வது?

காய்கறிகளை நீளவாக்கில் மெலிதாக நறுக்கி, உப்பு சேர்த்து வேகவைத்தெடுங்கள். அரைக்கும் பொருட்களுடன் தயிர் விட்டு நன்றாக அரைத்து, காய்களுடன் கலந்து ஒரு நிமிடம் சூடாக்கி இறக்கிவையுங்கள். தேங்காய் எண்ணெய், கறிவேப்பிலை சேர்த்துப் பரிமாறுங்கள்.

லட்சுமி சீனிவாசன்