ஜன.6-ல் ஓடிடியில் வெளியாகிறது ‘சவுதி வெள்ளக்கா’

பெரும் எதிர்பார்ப்பை ஏற்படுத்திய ‘சவுதி வெள்ளக்கா’ திரைப்படம் வரும் ஜனவரி 6-ம் தேதி ஓடிடியில் வெளியாகும் என அதிகாரபூர்வமாக அறிவிக்கப்பட்டுள்ளது.

மலையாள இயக்குநர் தருண் மூர்த்தி எழுதி இயக்கியுள்ள படம் ‘சவுதி வெள்ளக்கா’. தேவி வர்மா, லுக்மான் அவரன், பினு பப்பு, தன்யா அனன்யா, சுஜித் சங்கர் ஆகியோர் நடித்துள்ள இப்படத்தை சந்தீப் சேனன் தயாரித்துள்ளார். பாலி ஃபிரான்சிஸ் இசையமைத்துள்ள இப்படம் கடந்த டிசம்பர் 2-ம் தேதி கேரளாவில் மட்டும் திரையரங்குகளில் வெளியானது.

அண்மையில் நடந்து முடிந்த சென்னை சர்வதேச திரைப்பட விழாவில் திரையிடப்பட்டு வரவேற்பைப் பெற்றது. மேலும், தமிழ் ரசிகர்களிடையே அதீத எதிர்பார்ப்பை ஏற்படுத்தியுள்ள இப்படம் 2023 ஜனவரி 6-ம் தேதி சோனி லிவ் ஓடிடி தளத்தில் வெளியாகும் என அதிகாரபூர்வமாக அறிவிக்கப்பட்டுள்ளது.