குப்பை கொட்டப்படுவதால் மாசுபடும் புழல் ஏரி

பல்வேறு உள்ளாட்சி பகுதிகளில் சேகரிக் கப்படும் குப்பைகள் புழல் ஏரியில் கொட் டப்பட்டு வருவதால், ஏரி மாசடைந்து வருவதாக ‘தி இந்து’ உங்கள் குரல் சேவை வழியாக புழல் பகுதியைச் சேர்ந்த வாசகர் ஒருவர் புகார் கூறியுள்ளார்.

அவர் மேலும் கூறியதாவது: புழல் ஏரி சென்னை மக்களின் தாகத்தை தீர்க்கும் முக்கிய நீராதாரங்களுள் ஒன்றாக விளங்கி வருகிறது. மேலும் அதனைச் சுற்றியுள்ள பல்வேறு உள்ளாட்சி அமைப்புகளில் முக்கிய நிலத்தடி நீராதாரமாகவும் உள்ளது. இந்த ஏரியைச் சுற்றியுள்ள பல்வேறு உள்ளாட்சி அமைப்புகள், அதன் எல்லையில் சேகரிக்கப்படும் குப்பை கழிவுகளை, முறை யாக திடக்கழிவு மேலாண்மை செய்யா மல் புழல் ஏரியில் கொட்டி வருகின்றன. இதனால் ஏரியில் உள்ள நீர் மாசடைந்து, குடிக்க உகந்த நிலையை இழந்து வருகிறது. இதனால் நிலத்தடி நீரின் தூய்மையும் கேள்விக் குறியாகியுள்ளது.

நீர்நிலைகளை ஆக்கிரமித்ததால் ஏற்பட்ட மிகக் கொடூரமான விளைவுகளை நாம் சந்தித்து, சில மாதங்களே ஆன நிலையில், தற்போது உள்ளாட்சி அமைப்புகள் புழல் ஏரியை ஆக்கிரமித்து குப்பைகளைக் கொட்டி வருகின்றன. நீர்நிலைகளை பாதுகாக்கும் பொறுப்புமிக்க உள்ளாட்சி நிர்வாகங்கள் குப்பைகளை கொட்டி வருவதை உடனே நிறுத்த வேண்டும்.