அது என் வகுப்புத் தோழர்கள்!

‘தி இந்து’ ஆவணக் காப்பகத்திலிருந்து எடுக்கப்பட்டு, ‘ஜனநாயகக் கொண்டாட்டம்’ என்ற தலைப்பில் நினைவுகூரப்பட்ட மாணவர் தேர்தல் புகைப்படம் என்னை பிரமிப்பில் ஆழ்த்திவிட்டது. காரணம், அந்தப் புகைப்படம் நான் 1972-ல், சென்னை விவேகானந்தா கல்லூரியில் படித்தபோது எடுக்கப்பட்டது. பேண்டு வாத்தியத்துடன் வருபவர்கள் எங்கள் பி.காம். வகுப்பு மாணவர்களான அசோக் பஜாஜ், தமிழரசன், பழனிபாபு, விஜயகுமார் உள்ளிட்டோர். ஒட்டகத்தின் மேல் அமர்ந்திருப்பது தலைவர் போட்டியாளர் சி.நடேசன். எங்களை கல்லூரிக் காலத்துக்கு அழைத்துச் சென்ற ‘தி இந்து’வுக்கு நன்றி!

- கு.மா.பா.திருநாவுக்கரசு, சென்னை.