பாமகவின் இலக்கு

‘அன்புமணியாகிய நீங்கள்..!’ விமர்சனக் கட்டுரை நன்றாக இருந்தது. அன்புமணி சொல்லும் வாக்குறுதிகள் எல்லாம் நன்றாக இருக்கின்றன. ஆனால், ஒரு குறிப்பிட்ட சமுதாயத்தின் வாக்குகளே இக்கட்சியின் பிரதான இலக்கு என்பதை மறுக்க முடியாது.

- வீ.ரத்னமாலா, சென்னை.

சட்டம்- ஒழுங்கு

‘தமிழகத்தில் மே 16-ல் ஒரே கட்டமாக சட்டப்பேரவைத் தேர்தல்: தலைமைத் தேர்தல் ஆணையம் அறிவிப்பு’ என்ற செய்தியைப் படித்தேன். தமிழகத்தில் எப்போதும் ஒரே கட்டத் தேர்தல் என்பது மற்ற மாநிலங்களுடன் ஒப்பிடும்போது இங்கே சட்டம்- ஒழுங்கு நன்றாக உள்ளது என்பதற்குச் சான்று. அதே நேரத்தில், தேர்தலுக்கு இன்னும் நிறைய நாட்கள் இருப்பதால், விஜயகாந்த் போன்றவர்கள் முடிவெடுக்காமல் இழுத்தடிக்கும் அபாயமும் உள்ளது.

என்.ரமணி, ‘தி இந்து’ இணையதளம் வழியாக.