இன்னும் எதிர்பார்க்கிறோம்

த.நீதிராஜன் எழுதிய தனித் தொகுதி வரலாறு கட்டுரை, அறியப்படாத பல விஷயங்களை அறிந்துகொள்ள உதவியது. ‘தேர்தல்... கொள்கை... கூட்டணி...’ தொடரும் நன்றாக உள்ளது. இதுபோன்ற வரலாற்றுக் கட்டுரைகளை இன்னும் எதிர்பார்க்கிறோம்.

- அருட்செல்வன், ஈரோடு.

கருத்து ஆயுதம்

‘இப்போதேனும் வெட்கப்படுங்கள்’ என்ற தலையங்கம், சாதி ஆணவக் கொலை செய்யும் மனநோயாளிகளின் மூளைகளை அறுவைச் சிகிச்சை செய்து மாற்றும் வல்லமை பெற்றது. கருத்தாழம் மிக்கது. கவுரவக் கொலை என்கிற சாதித் திமிர்வாதக் கயமைச் சொல்லைத் தலைகீழாகப் புரட்டிப்போட்ட ‘கொல்லும் அமைதி’ கட்டுரைக்கும் வாழ்த்துகள்! சமூகப் பொறுப்புடன் செய்திகள், கட்டுரைகள் வெளியிடும் ‘தி இந்து’வின் பணி சிறக்கட்டும்.

- அ. அந்தோணி குருசு, திருச்சி.