இப்படிக்கு இவர்கள்: தண்டனை மாணவர்களுக்கா?

கரு.முத்து எழுதிய, ‘மாலை நேரத் திருமணங்களும், மக்கள் சொல்லும் காரணங்களும்’ கட்டுரை (ஜூலை 19) படித்தேன். 3000 ஆண்டுகளுக்கு முந்தைய தொல்காப்பியத்தில், ‘பொய்யும் வழுவும் தோன்றிய பின்னர் ஐயர் யாத்தனர் கரணம்’ என்கிறார் தொல்காப்பியர். பழங்காலத்தில் காதல் திருமணங்கள் மட்டுமே நடந்த தமிழகத்தில், காலப்போக்கில் சமூக ஒழுங்கீனமும் துன்பமும் ஏற்பட்டதால், ஆணும் பெண்ணும் ஊர் அறியத் திருமணம் செய்ய வேண்டும் என்று திருமணச் சடங்ககை (காரணத்தை) அமைத்தார்கள் என்று கூறுகிறது தொல்காப்பியம்.

ஆனால், ஏறுபொழுதில்தான் திருமணம் செய்தார்கள் என்று எதுவும் குறிப்பிடவில்லை. ஆனால், இறங்குபொழுதில் திருமணம் செய்யக் கூடாது என்று அதிகாலையிலேயே திருமணங்களை நடத்துகிறார்கள். அனைத்து ஊர்களிலும் நிச்சயதார்த்தம் மாலையில்தான் நடைபெறுகிறது. அதைப் போலவே திருமணங்களையும் மாலை நேரத்தில் நடத்தினால் வசதியாக இருக்கும்.

5 மற்றும் 8-ம் வகுப்புகளில் கட்டாயத் தேர்ச்சி அளிக்கும் முறை ரத்துசெய்யப்படுவதாக மத்திய அமைச்சர் பிரகாஷ் ஜவடேகர் கூறியிருப்பது ஒன்றும் வியத்தகு முன்னேற்றத்தைக் கொண்டுவந்துவிடாது. மாநில - மத்திய அரசுகள் முரண்பாடாக வெவ்வேறு கல்விக் கொள்கைகளைக் கொண்டிருப்பது மாணவர்களையே பாதிக்கும். ஆரம்பப் பள்ளி முதல் நீட் தேர்வு வரை இந்த குழப்பமான சூழல்களுக்குக் கல்வியாளர்கள் குழு அமைத்து தீர்வு காண வேண்டும்.