இப்படிக்கு இவர்கள்: வாடிக்கையாளர் நம்பிக்கை இழந்தால் வங்கிகள் திவாலாகிவிடும்!

ப். 21 அன்று வெளியான ‘வங்கி மோசடிகளுக்கு எப்போது முடிவு?' தலையங்கம், வங்கி வாடிக்கையாளர்கள், பொதுமக்களின் ஆத்திரம் கலந்த ஆதங்கத்தை வெளிப்படுத்துவதாக இருந்தது. பஞ்சாப் தேசிய வங்கியில், ரூ.11,500 கோடி மோசடி, வங்கி ஊழியர்களின் துணையுடனே நடந்திருப்பதால், எதிர்காலத்தில் இப்படி நடக்காதபடி நடைமுறைகளை உருவாக்கிக் கண்காணிக்க வேண்டும். லலித் மோடி, விஜய் மல்லையா, நீரவ் மோடி போன்றோரின் தொடர் மோசடிகளையும், அவர்களுக்கு எதிரான அரசின் நடவடிக்கைகளையும், வங்கி வாடிக்கையாளர்களான பொதுமக்கள், ஊடகங்கள் வாயிலாக உன்னிப்பாகக் கவனித்துக் கொண்டுதான் வருகின்றனர். இந்தியா முழுமைக்கும் தேசிய வங்கிகளில் உள்ள வாடிக்கையாளர்களின் சேமிப்புத் தொகை ரூ.110 லட்சம் கோடிக்கு இனிமேலும் பாதுகாப்பு கிடைக்குமா என்ற சந்தேகமும் எழுந்துள்ளது. வாடிக்கையாளர்கள் நம்பிக்கை இழந்து தங்களது சேமிப்புத் தொகையைத் திரும்பப்பெற முயலும் பட்சத்தில், வங்கிகள் அனைத்தும் திவாலாகிவிடுவதோடு, இந்தியப் பொருளாதாரமும் அதல பாதாளத்துக்குள் சென்றுவிடும்.

ட்டக்குடியில் கடந்த பத்து ஆண்டுகளில் 5,000 மரக் கன்றுகள் நட்டு, கிராமத்துக்குச் செழிப்பை அளிக்கும் திட்டக்குடி அறிவழகனையும், சிங்கப்பூர் பெரியசாமியையும் எவ்வளவு பாராட்டினாலும் தகும். அவர்களை இனம் கண்டு தமிழகத்துக்கு அறிமுகம் செய்த ‘தி இந்து’ நாளிதழுக்கு நன்றி. இந்தச் செய்தியைப் படித்த பிறகு ஊருக்கு ஒரு சிலராவது தங்களது கிராமத்திலும் இந்த நற்பணியைத் தொடங்கினால் தமிழ் நாட்டுக்கு மிகவும் நல்லது.