இப்படிக்கு இவர்கள்: விவசாயிகளை வாழவைப்போம்!

யாழன் அன்று வெளியான (18.01.18) ‘விவசாயிகளை அரசு கைவிடக் கூடாது’ என்கிற தலையங்கம் வாசித்தேன். விவசாயிகளுக்கு அதிக விளைச்சல் இருந்தாலும் நஷ்டம், குறைந்த விளைச்சல் இருந்தாலும் நஷ்டம் என்பதை எண்ணும்போது மனதுக்குப் பெரும் சங்கடத்தை ஏற்படுத்துகிறது. மனிதர்களுக்கு மட்டுமல்ல, இவ்வுலகில் உள்ள அனைத்து உயிரினங்களுக்கும் உணவு அளிப்பது விவசாயிகள்தான். வரும் பட்ஜெட்டில் மத்திய அரசு, விவசாயிகளுக்குக் கூடுதல் பலன்கள் அளிக்கும் வகையில் புதிய அறிவிப்புகள் வெளியிட வேண்டும் என கேட்டுக்கொள்கிறேன்.

மிழகத்தில் எய்ம்ஸ் மருத்துவமனை அமைவதற்குரிய இடத்தைத் தேர்வுசெய்வதில் காலதாமதம் ஏற்படுவதைத் தவிர்க்க வேண்டும். தமிழ்நாட்டின் அனைத்து மாவட்ட மக்களும் பயன்பெறும் வகையில் மையமான இடத்தைத் தேர்வுசெய்ய வேண்டும். மருத்துவம் மக்களுக்கு எந்த அளவு அவசியமானது என்பதை உணர்ந்து, விரைவில் எய்ம்ஸ் மருத்துவமனை அமைய மத்திய அரசிடம் வலுவான கோரிக்கையைத் தமிழக அரசு வைக்க வேண்டும்.