ப்ரீமியம்
சச்சின் 50: சதங்களால் சாதித்த ஜாம்பவான்

கிட்டத்தட்ட 24 ஆண்டுகாலம் சர்வதேச கிரிக்கெட் களத்தில் தன்னிகரற்ற நட்சத்திரமாக ஜொலித்த சச்சின் டெண்டுல்கர், மலைக்கவைக்கும் பல சாதனைகளை நிகழ்த்தியவர். தன் கிரிக்கெட் வாழ்க்கையின் தொடக்கம் முதல் இறுதிவரை எந்தத் தருணத்திலும் ஒளி குன்றாத நட்சத்திரமாகத் திகழ்ந்த மிகச் சில வீரர்களில் முக்கியமானவர். நீண்ட காலம் களத்தில் நின்றவர்களில் அவரளவுக்குத் தொடர்ந்து அணியின் வெற்றிக்குப் பங்களித்தவர்களை விரல்விட்டு எண்ணிவிடலாம்.

நம்பிக்கை நட்சத்திரம்: 1989இல் பாகிஸ்தானில், தான் விளையாடிய முதல் டெஸ்ட் போட்டித் தொடரிலேயே இரண்டு அரைச் சதங்களை அடித்தார் சச்சின். 18 வயதை நிறைவுசெய்வதற்குள், மட்டைவீச்சுக்குக் கடினமான ஆடுகளங்களைக் கொண்ட இங்கிலாந்திலும் ஆஸ்திரேலியாவிலும் சதமடித்தார். டெஸ்ட் போட்டிகளில் நிதானமாகவும் 50 ஓவர் போட்டிகளில் சூழலுக்கேற்ப நிதானமாகவும் அடித்து ஆடுவதற்குமான லாகவம் அவருக்குக் கைகூடியிருந்தது.