பதின்பருவத்தினர் காணொளிகள் பார்ப்பது குறித்த வழிகாட்டு நெறிமுறைகளை அமெரிக்க உளவியல் கூட்டமைப்பு முதல் முறையாக வெளியிட்டுள்ளது. திறன்பேசிகளில் அழைப்பது, குறுஞ்செய்திகள் அனுப்புவது உள்ளிட்ட கருத்துப் பரிமாற்றச் செயல்களை அவர்கள் கணக்கில் எடுத்துக்கொள்ளவில்லை. மாறாக, காணொளிகள் காண்பதற்காகப் பதின்பருவத்தினர் செலவிடும் நேரம் அதிவேகமாக அதிகரித்துவருவதாக 2024 நவம்பர் வரை உலகம் முழுவதும் வெளியான அறிவியல்பூர்வ ஆய்வுகளின் அடிப்படையில் தெரிவித்துள்ளனர்.

காணொளி​களின் உள்ளடக்கம்: காணொளிகள் எந்த வகையைச் சேர்ந்​தவையாக இருந்​தா​லும், எந்தத் தளத்தில், எத்தகைய வழியில் வந்தாலும் அதன் உள்ளடக்கமே பதின்​பரு​வத்​தினரை அதிகம் பாதிப்பதாக ஆய்வுகள் தொடர்ச்​சியாக வெளிப்​படுத்து​கின்றன. பதின்​பரு​வத்தில் எல்லாம் தெரிந்​ததுபோல வெளியில் காட்டிக்​கொண்​டாலும், குழப்​பத்​துடனும் அவநம்பிக்கை​யுட​னும்தான் அவர்கள் வளருகிறார்கள்.