புதிய தொழில்நுட்பங்களின் வருகையால் வேலையிழப்பு உண்டாகுமா? மனித உழைப்புக்கு நிகரான ஒன்றைத் தொழில்நுட்பம் மூலம் முழுமையாகச் சாத்தியப்படுத்திட முடியுமா? உழைப்புச் சக்தியின் முக்கியத்துவத்தைத் தொழில்நுட்பம் தகர்த்துவிடுமா? இதுபோன்ற கேள்விகளைச் செயற்கை நுண்ணறிவு (ஏ.ஐ.) தொழில்நுட்பத்தின் எழுச்சி தற்போது எழுப்பிவருகிறது.

சர்​வ​தேசத் தாக்கம்: செயற்கை நுண்ணறிவுத் துறையில் ஏற்பட்டு​வரும் அதிவேக வளர்ச்சி, உலக அளவில் பிரம்​மாண்டமான அளவில் சமூகப் பொருளாதாரத் தாக்கத்தை ஏற்படுத்தி வருகிறது. தொழில், இதர சேவைத் துறைகளில் இன்று மனிதர்​களால் மட்டுமே மேற்கொள்​ளப்​பட்டு​வரும் பெரும்​பாலான காரியங்​களைக் கச்சித​மாகச் செய்து முடிக்கும் ஆற்றல் கொண்ட இயந்திரங்கள் (Intelligent Machines) இன்னும் சில ஆண்டு​களில் தயாரிக்​கப்​பட்டு​விடும் என்று எதிர்​பார்க்​கப்​படு​கிறது.