ப்ரீமியம்
நூலகக் கொள்முதலில் அவல நகைச்சுவை

முறைப்படுத்தப்பட்ட / வெளிப்படைத்தன்மையான நூலக ஆணை குறித்து அரசாணை வெளியாகி, முதல் சுற்று நூலக ஆணை எவ்வாறு இருக்கும் என்று காத்துக் கொண்டிருக்கின்ற நேரத்தில், இப்படி ஒரு கட்டுரை எழுத அவசியம் வரும் என்று ஒருபோதும் நினைக்கவில்லை. பெரம்பலூர் அருகே ஒரு கிராமத்தில் உள்ள நூலகத்தில் எடுக்கப்பட்ட ஒளிப்படத்தை ஒரு வாசகர் பதிந்திருந்தார். அந்த நூலின் பெயர் ‘புயலிலே ஒரு தோணி’. நூலக அலமாரியில் அடுக்கி வைக்கப்பட்டிருந்த இந்தப் புத்தக அட்டையின் முதுகுப்புறத்தில் ப.சிங்காரத்திற்குப் பதிலாய் ‘நகுலன்’ என்று இருந்தது. சற்றைக்கெல்லாம் இச்செய்தியைப் புலனங்களிலும் செய்தித்தாள் குழுக்களிலும் இங்கும் அங்குமாய்ப் பகிரத் தொடங்கிவிட்டார்கள்.