ப்ரீமியம்
அஞ்சலி: அஜித் நைனான் (1955-2023) | முழுமையான கார்ட்டூனிஸ்ட்

அரசியல் கேலிச்சித்திர உலகில் மிக முக்கியமான வராகப் போற்றப்பட்ட அஜித் நைனான் (68), செப்டம்பர் 8 அன்று மைசூருவில் காலமானார். அவரது மறைவு ஊடக உலகிலும் அரசியல் விமர்சனக் களத்திலும் பெரும் வெற்றி டத்தை ஏற்படுத்தியிருக்கிறது.

பள்ளி விடுதியில் தங்கிப் படித்த அவர், பெற்றோரைப் பிரிந்த ஏக்கத்திலிருந்து விடுபட ஓவியம் வரைவதில் கவனத்தைத் திருப்பினார். ‘பஞ்ச்’, ‘நியூ யார்க்கர்’ இதழ்களில் வெளியாகும் கேலிச்சித்திரங்களை ரசிக்கத் தொடங்கினார். காமிக்ஸ் புத்தகங்கள், கார்ட்டூன் திரைப்படங்களால் கவரப்பட்டார். ஜேம்ஸ் தர்பர், ஆர்னால்டு ரோத், மரியோ மிராண்டா போன்ற கார்ட்டூனிஸ்ட்களின் படைப்புகள் அவரிடையே மிகுந்த தாக்கத்தை ஏற்படுத்தின. நைனானின் உறவினர் அபு ஆபிரஹாமும் பிரபல கார்ட்டூனிஸ்ட்தான். அவரிடமிருந்து கேலிச்சித்திரக் கலையின் சூட்சுமங்களைக் கிரகித்துக்கொண்டார். 1968இல் நைனான் வரைந்த கேலிச்சித்திரம் முதன்முதலாக ‘ஷங்கர்ஸ் வீக்லி’யில் வெளியானது.