ப்ரீமியம்
இடையிலாடும் ஊஞ்சல் - 22: அந்த 45 நிமிடங்கள்

உலகின் ஒவ்வொரு பகுதியின் சரித்திரமும் பெண்களின் உடல் மீதுதான் எழுதப்பட்டு வந்துள்ளது. எந்த ஒரு நாட்டின் ராணுவமும் இன்னொரு நாட்டுக்குள் நுழைந்தால் முதலில் பலியாவது அந்நாட்டுப் பெண்களே. பாலியல் வன்முறைக்கு ஆளாக்கப்பட்டுப் பெண்கள் கொல்லப்படுவது வரலாற்றின் ஒவ்வொரு பக்கத்திலும் எழுதப்படுகிறது; எழுதப்பட்டுவருகிறது.

இரு குழுக்களிடையே ஏற்படுகின்ற அரசியல் பகை நெருப்பில் முதலில் வாட்டப்படுவதும் பெண்ணுடல்தான். அது உலகமகா யுத்தம், செர்பிய-குரோஷிய யுத்தம், இந்திய–பாகிஸ்தான் பிரிவினை என எந்த நிகழ்வானாலும் சரி; இலங்கைக்குள் இறங்கிய இந்திய அமைதிப் படையானாலும் மணிப்பூரில் அரை நூற்றாண்டு காலமாக நிலைகொண்டிருக்கும் இந்திய ராணுவமானாலும் பெண்ணுடல்மீது செலுத்தும் வன்முறையில் மாற்றமில்லை.