ப்ரீமியம்
அதிகரிக்கும் மின் தேவை: தனியார் சார்பு தவிர்க்க முடியாததா?

தமிழ்நாட்டில் இதுவரை இல்லாத அளவுக்கு, கோடைக்காலத்தில் மின் தேவை அதிகரிக்கும் என தமிழ்நாடு மின் உற்பத்தி மற்றும் பகிர்மானக் கழகம் (டான்ஜெட்கோ) தெரிவித்துள்ளது. 2022 ஜனவரியில் பதிவான அதிகபட்ச மின் தேவை, சுமார் 13,000 மெகாவாட்; 2022 ஏப்ரல் 29 அன்று, அது 17,563 மெகாவாட் என்னும் உச்சத்தைத் தொட்டது. இந்நிலையில், 2023 ஜனவரியில் சில நாள்களிலேயே 14,000 மெகாவாட் அளவைக் கடந்திருப்பதாக டான்ஜெட்கோ தெரிவித்துள்ளது.

ஒவ்வோர் ஆண்டும் அதிகபட்ச மின் தேவை, சராசரியாக 1,500 மெகாவாட் அதிகரிக்கும் என்கிற கணக்கீட்டின்படி, இந்த ஆண்டு அதிகபட்சத் தேவை 19,000 மெகாவாட் அளவை எட்டும் என்று எதிர்பார்க்கப்படுகிறது. அதன் அடிப்படையில், தனியார் மின் உற்பத்தி நிறுவனங்களிடமிருந்து மின்சாரம் வாங்குவதற்கான குறுகிய கால ஒப்பந்தங்களைக் கடந்த மாதம் டான்ஜெட்கோ நிறைவேற்றியுள்ளது.