ப்ரீமியம்
அயல்மொழி நூலகம்: வரலாறும் புனைவும்

டான் ட்வான் எங் (Tan Twan Eng) மலேசிய எழுத்தாளர்; சட்டம் பயின்றவர். இதுவரை மூன்று நாவல்கள் எழுதியுள்ளார். இவரது இரண்டாவது நாவலான ‘The Garden of Evening Mists’ பல விருதுகளை வென்றதுடன், புக்கர் இறுதிப் பட்டியலிலும் இடம்பெற்றது. ‘தி ஹவுஸ் ஆஃப் டோர்ஸ்’ என்கிற இந்த நாவல், இரண்டு பிரபலங்களைக் கதாபாத்திரங்களாகக் கொண்டது. எழுத்தாளர் வில்லியம் சாமர்செட் மாவ்மின் வாழ்க்கை, சுவாரசியங்கள் நிறைந்தது.

ஆங்கிலேயரான இவர் பிறந்தது பாரிஸில். மருத்துவக் கல்வி பயின்ற இவர், முதல் உலகப் போரின்போது மருத்துவராகப் போர்முனையில் பணியாற்றியிருக்கிறார். நாடக ஆசிரியராகப் பணமும் புகழும் பெற்று, முப்பத்து மூன்று நாடகங்கள் எழுதி, பின் அதை நிறுத்தி நாவல்கள், கதைகள் எழுத ஆரம்பித்தவர்.