ப்ரீமியம்
கலைஞர் நூற்றாண்டு நூலகம்: அறிவின் அடையாளம்

சென்னை அண்ணா நூற்றாண்டு நூலகத்துக்கு அடுத்து தமிழ்நாட்டின் பெரிய நூலகம், மதுரை கலைஞர் நூற்றாண்டு நூலகம். அரசு நூலகம் என்றால் எழும் நம் கற்பனையைப் பொய்யாக்குகிறது இந்த நூலகம். மதுரைக்குப் பல அடையாளங்கள், பெருமைகள் இருக்கின்றன. இவற்றுடன் மற்றுமொரு அறிவுசார் அடையாளமாகச் சேர்ந்திருக்கிறது கலைஞர் நூற்றாண்டு நூலகம்.

இந்நூலகத்தின் பிரம்மாண்டக் கட்டிடம், நுழைவாயிலில் எழுதப்பட்டிருக்கும் தமிழ் மொழியின் அடையாளங்களான பழந்தமிழ் இலக்கிய நூல்களின் பெயர்கள், மாற்றுத்திறனாளிகளுக்காகவும் திருநர்களுக்காகவும் செய்யப்பட்டிருக்கும் வசதிகள், பார்வைக் குறைபாடு உடையவர்கள் படிப்பதற்காகச் செய்யப்பட்டிருக்கும் ஏற்பாடுகள், சிறார் பிரிவு, அறிவியல் பிரிவு, தமிழ், ஆங்கில இலக்கிய நூல்களின் பிரிவு, கலைஞர் பிரிவு, போட்டித் தேர்வு எழுதுபவர்களுக்கான பிரிவு, அரிய நூல்கள், கூட்ட அரங்கம், ஆய்வரங்கம், வாசகர்களுக்கான வசதிகள், வெளிச்சம், முழுமையான குளிர்பதன வசதி, நகரும் படிக்கட்டுகள் என ஒவ்வொரு விஷயமும் ஆச்சரியப்படுத்தினாலும் எல்லாவற்றையும்விட எனக்கு முக்கியமானதாக இருந்தது வேலை நாள்களில் மூவாயிரம் முதல் ஐந்தாயிரம் பேர் வருகை தருகிறார்கள் என்பதும் சனி, ஞாயிறுகளில் ஏழாயிரம் முதல் ஒன்பதாயிரம் பேர் வருகை தருகிறார்கள் என்பதும்தான்.