விவசாயிகளுக்கு உறுதியான வருவாய் கிடைப்பதற்கான மேம்பாட்டுத் திட்டம்: கிஃப்ட் திலபியா மீன் வளர்ப்புக்கு 40 சதவீதம் மானியம்

விவசாயிகளுக்கு அனைத்துப் பருவங்களிலும் உறுதியான வருவாய் கிடைப்பதற்கான தேசிய விவசாய மேம்பாட்டுத் திட்டம் உள்ளதாகவும் கிஃப்ட் திலபியா மீன் வளர்ப்புக்கு 40 சதவீதம் மானியம் அளிக்கப்படுவதாகவும் மத்திய அரசு தெரிவித்துள்ளது.

இது தொடர்பாக மத்திய அரசு வெளியிட்டுள்ள அறிவிப்பில் கூறப்பட்டிருப்பதாவது:

தேசிய வேளாண் மேம்பாட்டுத் திட்டம் (என்ஏடிபி) விவசாய நிலங்களை உகந்த முறையில் பயன்படுத்துவதன் மூலம் விவசாயத்தை பல்வகைப்படுத்துவதை நோக்கமாகக் கொண்டுள்ளது, இதனால் விவசாயிகளுக்கு அனைத்து பருவங்களிலும் உறுதியான வருமானம் கிடைக்கும். வேளாண்மை மற்றும் அதனுடன் தொடர்புடைய துறைகளுக்கு புத்துயிர் அளிப்பதற்காக 11-வது ஐந்தாண்டு திட்டத்தின் தொடக்கத்திலிருந்து சிறப்பு கூடுதல் உதவித் திட்டத்துடன் மத்திய அரசால் தேசிய வேளாண் மேம்பாட்டுத் திட்டம் தொடங்கப்பட்டது. 12-வது ஐந்தாண்டு திட்ட காலத்தில், மாவட்ட வேளாண் திட்டங்கள் (டிஏபி), மாநில வேளாண் திட்டம் (எஸ்ஏபி) மற்றும் மாநில வேளாண் உள்கட்டமைப்பு மேம்பாட்டுத் திட்டம் (எஸ்ஐஐடிபி) ஆகியவற்றை உருவாக்க மாநில அரசுகள் கேட்டுக் கொள்ளப்பட்டன. மாநில வேளாண் உள்கட்டமைப்பு மேம்பாட்டு திட்டத்தின் முக்கிய நோக்கம், தமிழ்நாட்டில் விவசாயம் மற்றும் அதனுடன் தொடர்புடைய துறைகளில் விவசாய மேம்பாட்டுக்கான உள்கட்டமைப்பை அடையாளம் காண்பதாகும்.

நர்சரி ஸ்தாபனம், நுண்ணுயிர் பாசனம், விவசாய கருவிகள் மற்றும் எந்திரங்கள், பதப்படுத்தும் பிரிவுகள், சந்தை நிறுவனங்களை வலுப்படுத்துதல், விதை சோதனை ஆய்வகங்கள், விலங்கு இனப்பெருக்க பிரிவுகள், கால்நடை சேவை மையங்கள், மீன் வளர்ப்பு பிரிவுகள், விவசாய சந்தைகள். , விவசாயம் மற்றும் அதனுடன் தொடர்புடைய துறைகளில் ஆராய்ச்சி மற்றும் மேம்பாடு பணிகள் போன்ற உள்கட்டமைப்பில் எஸ்ஐஐடிபி-இன் கீழ், முதலீடுகளை ஊக்குவிக்க அழுத்தம் கொடுக்கப்படுகிறது... தமிழ்நாட்டில், உள்நாட்டு மீன் உற்பத்தி பெரும்பாலும் இந்திய கார்ப் மீன்களை வளர்ப்பதை மையமாகக் கொண்டுள்ளது. பெரும்பாலான குளங்கள் மழைப்பொழிவால் நிரம்புகின்றன. மற்றும் ஐந்து மாதங்களில் நான்கு மதங்கள் மட்டுமே குளங்கள் மழை நீரால் நிரம்பி இருப்பது நீடிக்கும். தமிழக அரசின் மீன்வளத்துறை, அரசு மீன் விதை பண்ணைகளில் கிஃப்ட் திலபியா மீன் குஞ்சுகளை உற்பத்தி செய்து மாவட்ட மீன்வளத் துறைகள் மூலம் விவசாயிகளுக்கு விநியோகிக்கப்படுகிறது. மாநிலத்தில், சாத்தானூர், ஆலையார், அமராவதி, பாலார், போரண்டலார் உள்ளிட்ட நீர்த்தேக்கங்களில் மீன் விதை பண்ணைகள் பராமரிக்கப்படுகின்றன. தரமான மீன் விதைகள் இந்த நீர்த்தேக்கங்களில் சேமிக்கப்பட்டு மீன்வள அலுவலகங்கள் மூலம் விநியோகிக்கப்படுகின்றன.

வேளாண் மேம்பாட்டு திட்டத்தின் கீழ் திருச்சிராப்பள்ளி மாவட்டத்தில், பண்ணை குளங்களை அமைப்பதற்கும், மரபணு ரீதியாக மேம்படுத்தப்பட்ட திலபியா கிஃப்ட் மீன்களை வளர்ப்பதற்கும் 40 சதவீதம் மானியம் வழங்கப்படுகிறது. ஒரு பண்ணைக்குளத்திற்கு, மொத்த செலவு தொகையான ரூ.99 ஆயிரத்தில், 40 சதவீத மானியமாக ரூ.39,600 வழங்கப்படுகிறது. பண்ணைக்குளம் அமைப்பதற்கான மானியமாக ரூ.16000, உள்கட்டமைப்பு மற்றும் கட்டுமானத்திற்கான மானியம் ரூ.23600-ம் இதில் அடங்கும். திலபியாவின் மீன் குஞ்சுகள் மற்றும் மானியம் குறித்த விவரங்களை மீன் வளத்துறை உதவி இயக்குநரை தொடர்பு கொள்ளலாம். அரியலூர் மாவட்டத்தில், திருமானூர் வட்டம் விழுபனங்குறிச்சி கிராமத்தில் ஒரு லட்சம் ரூபாய் செலவில் பண்ணைக்குளம் அமைக்கப்பட்டுள்ளது. விவசாயி மங்கயர்கரசியின் பண்ணை நிலத்திற்கு 75 சதவீதம் மானியமாக 75000 ரூபாய் வழங்கப்பட்டுள்ளது. அரியலூர் மாவட்ட ஆட்சியர் திருமதி டி ரத்னா பண்ணை குளத்தை ஆய்வு செய்து, மீன் குஞ்சுகளை பெற மீன்வளத்துறையின் உதவியை நாடவும், மீன் குளங்களில் இருந்து அதிக வருமானம் பெறவும் விவசாயிக்கு அறிவுரை வழங்கினார்.

பண்ணைக்குளங்கள் மழைநீரை சேமித்து, வறண்ட மாதங்களில் நீர்ப்பாசனத்திற்கு தொடர்ந்து நீர் வழங்குவதை உறுதி செய்கின்றன. உள்நாட்டு மீன் வளர்ப்பு, விவசாயிகளுக்கு உறுதியான கூடுதல் வருமானத்தை அளிக்கும், மேலும் 2022-ஆம் ஆண்டுக்குள் விவசாயிகளின் வருமானத்தை இரட்டிப்பாக்குவதற்கு இது உறுதியான ஒரு செயல்திட்டமாகும்.

இவ்வாறு அந்த அறிவிப்பில் கூறப்பட்டுள்ளது.