10 அர்ச்சகர்களுக்கு கரோனா தொற்று: பத்மநாபசாமி கோயிலில் தரிசனம் ரத்து

திருவனந்தபுரம்: கேரள மாநிலத் தலைநகர் திருவனந்தபுரத்தில் அமைந்துள்ளது புகழ்பெற்ற பத்மநாபசாமி திருக்கோயில். கரோனா வைரஸ் தொற்று காரணமாக 4 மாதங்களாக பக்தர்களுக்காக மூடப்பட்டிருந்த இந்தக் கோயில் கடந்த ஆகஸ்ட் மாதம் 26-ம் தேதி திறக்கப்பட்டது. இந்நிலையில் கோயில் அர்ச்சகர்கள் 10 பேர் உட்பட 12 பேருக்கு கரோனா தொற்று ஏற்பட்டுள்ளது தெரிய வந்துள்ளது.

இதுகுறித்து கோயில் செயல் அதிகாரியும், ஐஏஎஸ் அதிகாரியுமான ரதீஷன் கூறும்போது, “அர்ச்சகர்கள் 10, ஊழியர்கள் 2 பேர் என மொத்தம் 12 பேருக்கு கரோனா தொற்று ஏற்பட்டுள்ளது உறுதி செய்யப்பட்டுள்ளது. எனவே, 15-ம் தேதி வரை கோயிலுக்கு பக்தர்கள் வருவது தடை செய்யப்பட்டுள்ளது. கரோனா தொற்றை தடுக்க கோயிலில் முன்னெச்சரிக்கை நடவடிக்கைகள் பின்பற்றப்பட்டன. எனினும் 12 பேருக்கு தொற்று ஏற்பட்டுள்ளது. அவர்கள் மருத்துவமனையில் சிகிச்சை பெற்று வருகின்றனர்’’ என்றார்.