ராமர் கோயிலுக்கு நன்கொடை திரட்ட விஎச்பி திட்டம்

உத்தர பிரதேச மாநிலம் அயோத்தியில் ராமர் கோயில் கட்டுவதற்கான நடவடிக்கைகள் தொடங்கப்பட்டுள்ளன.

இந்நிலையில் விஸ்வ இந்து பரிஷத் (விஎச்பி) செய்தித் தொடர்பாளர் வினோத் பன்சால் நேற்று கூறியதாவது:

விஎச்பி தேசிய வழிகாட்டுக் குழு கூட்டம் டெல்லியில் நவம்பர் மாதம் 10, 11-ம் தேதிகளில் நடக்கிறது. இக்கூட்டத்தில் ராமர் கோயில் கட்டுவதற்கு பொதுமக்களிடம் நன்கொடைகள் பெறவும் அதற்கான பிரச்சாரத்தில் ஈடுபடுவது குறித்தும் ஆலோசிக்கப்படும். ஜனவரி 15-ம் தேதி முதல் 90 நாட்களுக்கு நாடு முழுவதும் 5 லட்சத்துக்கும் அதிகமான கிராமங்களில் 11 கோடி இந்துக்குடும்பங்களை அணுகி நன்கொடை கேட்க இருக்கிறோம். இவ்வாறு அவர் கூறினார்.