காஷ்மீரில் கனமழை தொடரும்: வானிலை ஆய்வு மையம் எச்சரிக்கை

ஜம்மு-காஷ்மீர், லடாக், கில்ஜித், பால்டிஸ்தான் மற்றும் முசாபராபாத் உள்ளிட்ட பகுதிகளில் கனமழை தொடரும் என இந்திய வானிலை ஆய்வு மையம் எச்சரித்துள்ளது.

இந்திய வானிலை ஆய்வு மையம் தெரிவித்துள்ளதாவது:

வடக்கு வங்காள விரிகுடா மற்றும் அண்டைப் பகுதிகளில் உருவாகியுள்ள குறைந்த காற்றழுத்த தாழ்வுப்பகுதியானது, அடுத்த 4-5 தினங்களில் மேற்கு – வடமேற்காக நகர்கிறது. .

இதனால் ஒடிசா, மேற்கு வங்க கங்கைக் கரையோரப் பகுதி, ஜார்க்கண்ட் ஆகியவற்றில் வரும் 28-ம் தேதி வரை கனமழை பரவலாகப் பெய்யக் கூடும். சத்தீஷ்கர், மத்தியப்பிரதேசம், மேற்கு ராஜஸ்தானில் இம்மாதம் 28ம் தேதி வரையிலும் கனமழை பெய்யலாம்.

#WATCH Jammu and Kashmir: A portion of a bridge in Jammu's Gadigarh area collapses, following heavy rainfall in the region. pic.twitter.com/MPwTGefF8D

— ANI (@ANI) August 26, 2020

ஜம்மு-காஷ்மீர், லடாக், கில்ஜித், பால்டிஸ்தான் மற்றும் முசாபராபாத் , இமாச்சலப் பிரதேசத்தின் பல பகுதிகள், உத்தரகண்ட், மேற்கு ராஜஸ்தான் மற்றும் கிழக்கு ராஜஸ்தானின் சில இடங்களிலும், வடமேற்கு இந்தியாவின் சில பகுதிகளிலும் இடியுடன் கூடிய மழை பெய்துள்ளது. அடுத்த ஓரிரு தினங்களுக்கு மழை தொடரும் என்று எதிர்பார்க்கப்படுகிறது.

இவ்வாறு தெரிவித்துள்ளது.