நிலநடுக்கத்துக்கு உ.பி.யில் 6 பேர் பலி: நிவாரணம் அறிவித்தார் முதல்வர்

நேபாள நிலநடுக்கத்தின் தாக்கமாக உத்திரப் பிரதேச மாநிலத்தின் பல பகுதிகளில் கட்டடம் இடிந்து விழுந்தது மற்றும் சுவர்கள் பல இடிந்தன. இதில் 6 பேர் பலியாகியுள்ளனர்.

மேலும் 12 பேர்களுக்கும் அதிகமானோர் காயமடைந்து மருத்துவமனையில் அனுமதிக்கப்பட்டுள்ளனர். உயிரிழந்தோரில் 8 வயது சிறுமியும் அடங்குவார்.

உயிரழந்தோர் குடும்பத்துக்கு முதல்வர் அகிலேஷ் யாதவ் ரூ.5 லட்சம் நிவாரணம் அறிவித்தார். படுகாயமடைந்தோருக்கு ரூ.50,000 தொகையையும், சிறு காயமடைந்தோருக்கு ரூ.20,000 தொகையையும் நிவாரணமாக அறிவித்துள்ளார்.