இலங்கையில் சுஷ்மா பயணம்

இலங்கைக்கு இரண்டு நாள் பயணமாக சென்றுள்ள சுஷ்மா, அங்கு நேற்று அந்நாட்டு அதிபர் மைத்ரிபால சிறிசேனாவைச் சந்தித்து உரையாடினார்.

தனது பயணத்தின்போது இலங்கைப் பிரதமர் ரணில் விக்ரமசிங்கே மற்றும் மங்கள சமரவீரவுடன் இருநாட்டு உறவு பற்றி விவாதிக்க இருக்கிறார். கடந்த 2012-ம் ஆண்டில் மக்களவையில் எதிர்க்கட்சித் தலைவராக இருந்தபோது சுஷ்மா இலங்கை வந்தார். அதற்குப் பின் இப்போதுதான் அவர் அங்கு பயணம் மேற்கொண்டிருக்கிறார்.

வரும் 13 மற்றும் 14-ம் தேதிகளில் மோடி இலங்கை செல்லவுள்ளார். தனது பயணத்தின்போது போரால் பாதிக்கப்பட்ட யாழ்ப்பாணம் மற்றும் திரிகோணமலை ஆகிய பகுதிகளுக்குச் செல்லும் முதல் பிரதமராகவும் மோடி இருப்பார் என்பது குறிப்பிடத்தக்கது.

தனது பயணத்தின்போது இலங்கை நாடாளுமன்றத்தில் மோடி உரையாற்றுகிறார்.