உத்தரப் பிரதேசத்தில் பன்றிக்காய்ச்சலுக்கு மேலும் இருவர் பலி

உத்தரப் பிரதேசத்தில் பன்றிக்காய்ச்சலுக்கு மேலும் இருவர் பலியாகினர். இதனால் அந்த மாநிலத்தில் பலியானவர்கள் எண்ணிக்கை 18-ஆக உயர்ந்துள்ளது.

உத்தரப் பிரதேசத்தில் கடந்த ஒரு மாதத்தில் மட்டும் பன்றிக் காய்ச்சலால் பாதிக்கப்பட்ட 31 பேரில் 18 பேர் உயிரிழந்துள்ளனர். சனிக்கிழமை நிலவரப்படி அங்கு புதிதாக 40-க்கும் அதிகமானோருக்கு நோய் பாதிப்பு உள்ளதாக மாநில சுகாதார அமைச்சகம் தெரிவித்துள்ளது.

புதிதாக பாதிப்புள்ளாகியவர்கள் பரெய்லி, உன்னாவூ, அமேதி, மவு மற்றும் அலகாபாத்தைச் சேர்ந்தவர்கள் ஆவர். நோய் வேகமாக பரவி வருவதால் மக்கள் பீதி அடைந்துள்ளனர்.