காஷ்மீர் மாநிலம் பாரமுல்லாவில் என்கவுன்டர்

வடக்கு காஷ்மீரில் தீவிரவாதிகளுக்கும் பாதுகாப்புப் படையினருக்கும் இடையே கடும் மோதல் நடைபெற்று வருகிறது.

பாரமுல்லா மாவட்டம், சோபூர் பகுதியில் தக் - குண்ட் கிராமத்தில் தீவிரவாதிகள் பதுங்கியிருப்பதாக தகவல் கிடைத்ததையடுத்து பாதுகாப்புப் படையினர் அப்பகுதியை சுற்றி வளைத்தனர்.

தேடுதல் வேட்டையில் ஈடுபட்டிருந்தபோது ஒரு வீட்டில் பதுங்கியிருந்த தீவிரவாதிகள் துப்பாக்கிச்சூட்டில் ஈடுப்பட்டனர்.

இதனையடுத்து பாதுகாப்புப் படையினரும் பதில் தாக்குதலில் ஈடுபட்டுள்ளனர். தொடர்ந்து துப்பாக்கிச் சண்டை நடைபெற்று வருகிறது.