காஷ்மீரில் 2 தீவிரவாதிகள் சுட்டுக் கொலை

காஷ்மீர் மாநிலம் சோபூர் நகரத்தில் நேற்று பாதுகாப்புப் படையினர் நடத்திய என்கவுன்ட்டரில் இரண்டு தீவிரவாதிகள் கொல்லப்பட்டனர்.

சோபூரில் சைதா போரா எனும் பகுதியில் ஜெய்ஷ் இ முகமது தீவிரவாத அமைப்பைச் சேர்ந்த சிலர் பதுங்கியிருப்பதாகத் தகவல் கிடைத்தது. அதனையடுத்து அந்தப் பகுதியை பாதுகாப்புப் படையினர் சுற்றி வளைத்தனர்.

அவர்களை நோக்கி தீவிரவாதிகள் சுட ஆரம்பித்தனர். உடனே பாதுகாப்புப் படையினரும் தகுந்த பதிலடி கொடுத்தனர். அதில் இரண்டு தீவிரவாதிகள் சுட்டுக் கொல்லப்பட்டனர். கொல்லப்பட்ட தீவிரவாதிகளில் ஒருவரின் பெயர் முகமது ரம்ஜான் என்பதும் இன்னொருவரின் பெயர் அஸதுல்லாஹ் என்பதும் தெரியவந்துள்ளது.