உத்தரப் பிரதேசத்தில் குளிருக்கு 16 பேர் பலி

உத்தரப் பிரதேசத்தில் கடந்த சில நாள்களில் மட்டும் கடும் குளிருக்கு 16 பேர் பலியாகி உள்ளனர்.

உத்தரப் பிரதேச மாநிலம், முசாபர்நகரில் இரவு மற்றும் அதிகாலை நேரங்களில் வெப்ப நிலை 3 டிகிரி செல்சியஸாக உள்ளது. அந்த மாநிலத்தின் பெரும்பாலான பகுதிகளில் இதேநிலை நீடிக்கிறது. இதன் காரணமாக உயிரிழப்புகள் ஏற்பட்டு வருகின்றன. சில நாள்களுக்கு முன்பு கிழக்கு மாவட்டங்களைச் சேர்ந்த 7 பேர் உயிரிழந்தனர்.

ஒரே நாளில் 9 பேர்

நேற்று ஒரேநாளில் பூர்வாஞ்சல், காஸிபூர், பாலியா, வாரணாசி, அசம்கர் உள்ளிட்ட பகுதிகளைச் சேர்ந்த 9 பேர் உயிரிழந்தனர். கடந்த ஒரு வாரத் தில் மட்டும் 16 பேர் பலியாகி உள்ளனர்.