காஷ்மீரில் தீவிரவாதிகளின் பதுங்கிடம் அழிக்கப்பட்டது

ஜம்மு-காஷ்மீரில் தீவிரவாதிகளின் பதுங்கிடம் பாதுகாப்புப் படையினரால் அழிக்கப்பட்டதாகவும், அங்கிருந்து பயங்கர ஆயுதங்களும் வெடிப்பொருட்களும் கைப்பற்றப்பட்டன.

ஜம்மு-காஷ்மீரின் கர்சல்ங்கார் வனப்பகுதியில் தீவிரவாதிகள் பதுங்கி இருப்பதாக கிடைத்த தகவலை அடுத்து ராணுவத்தினர் அந்த பகுதியில் தேடுதல் வேட்டையில் ஈடுபட்டனர். இதில், அங்கிருந்த பதுங்கிடம் கண்டிபிடிக்கப்பட்டு முற்றிலுமாக அழிக்கப்பட்டது.

சம்பவ இடத்தில் பல்வேறு 3 ஏ.கே. ரக துப்பாக்கிகள், சீன நாட்டு தயாரிப்பிலான கையெறி குண்டுகள், மற்றும் வெடிப் பொருட்களும் கைப்பற்றப்பட்டதாக பாதுகாப்புத் துறை செய்தித் தொடர்பாளர் ஒருவர் தெரிவித்தார்.