குமரியில் ஏழுமலையான் கோயில் கும்பாபிஷேகம்

கன்னியாகுமரியில் திருமலை திருப்பதி தேவஸ்தானம் சார்பில் புதிதாக கட்டப்பட்ட ஏழுமலையான் கோயில் கும்பாபிஷேகம் வரும் 27-ம் தேதி காலை 7.30 மணிக்கு நடைபெற உள்ளது.

கன்னியாகுமரியில் திருமலை திருப்பதி தேவஸ்தானத்தினர் ஏழுமலையான் கோயிலை கட்டி வருகின்றனர்.

தற்போது இதற்கான திருப்பணிகள் முடிவடைந்து, வரும் 27-ம் தேதி கோயில் கும்பாபிஷேகம் சிறப்பாக நடத்த முடிவு செய்யப்பட்டுள்ளது. இத னையொட்டி, ஆகம சாஸ்திரங் களின்படி, வரும் 22-ம் தேதி மாலை 6 மணி முதல் இரவு 9 மணி வரையில் அங்குரார்ப்பண நிகழ்ச்சி கள் நடைபெற உள்ளன. இதனை தொடர்ந்து, 23-ம் தேதி முதல் 27-ம் தேதி வரை மஹா யாகம், விக்ரஹ பிரதிஷ்டை, மகா கும்பாபிஷேக பணிகள் நடைபெறுகின்றன. 27-ம் தேதி அதிகாலை 4 மணியிலிருந்து காலை 7 மணி வரை, சுப்ரபாதம், கும்பாராதனை, நைவேத்தியம், ஹோமம், மஹா பூர்ணாஹுதி ஆகியவை நடைபெறுகிறது. இதனை தொடர்ந்து 27-ம் தேதி காலை 7 மணி முதல் 7.30 மணிக்குள் மகா கும்பாபிஷேக நிகழ்ச்சிகள் நடைபெற உள்ளன.

கும்பாபிஷேக விழாவினை யொட்டி, திருமலை திருப்பதி தேவஸ்தான உயர் அதிகாரிகள், அர்ச்சகர்கள், ஆகம வல்லுநர் கள் திருப்பதியிலிருந்து கன்னியா குமரிக்கு சென்று இதற்கான ஏற்பாடுகளை செய்து வருகின்றனர்.