கர்ப்பிணி பெண்ணை 4 கி.மீ. சுமந்து சென்ற எல்லைப்படை வீரர்கள்

சத்தீஸ்கரில் சாலைகளில் மழை வெள்ளம் காரணமாக ஆம்புலன்ஸ் வரவழைக்க முடியாததால் மருத்துவமனையில் சேர்க்கவேண்டிய கர்ப்பிணி பெண்ணை இந்தோ - திபெத் எல்லைப்படை வீரர்களே சுமந்து சென்றனர்.

இதுகுறித்து ஐஆர்பிப்பி போஸ்ட் கமாண்டர் ஏசி.லக்ஷ்மிகாந்த் தெரித்ததாவது:

நகரிலிருந்து வெகு தொலைவு உள்ள மலைகளில் பழங்குடியினர் பகுதிகளில் மருத்துவ வசதி ஏதும் இல்லை. சாலைகளில் மழை வெள்ளம் காரணமாக அங்கு ஆம்புலன்சும் செல்லமுடியாத நிலை.

41வது பட்டாலியனைச் சேர்ந்த கொண்டாகான் பகுதியின் இந்தோ -திபெத் எல்லைக் காவலர்கள், ரோந்துப்பணியில் ஈடுபட்டுக்கொண்டிருந்தபோது ஹடேலியில் கர்ப்பிணி பெண் அவதிப்பட்டுக் கொண்டிருப்பதைக் கேள்வியுற்றனர். உடனே அவருக்கு முதலுதவி செய்து பின்னர் ஒரு ஸ்ட்ரக்சரில் அவரை சுமந்துவந்தனர்.

ஹடேலி மலைக் கிராமத்திலிருந்து ரணபாலில் உள்ள எங்கள் பாசறை வரை 4 கி.மீ. தொலைவு அவரை சுமந்து வந்து பின்னர். ரணபால் பகுதிக்கு ஆம்புலன்ஸ் வந்தது. பின்னர் அவர் மார்டபாலில் உள்ள ஆரம்ப சுகாதார மருத்துவமனையில் சிகிச்சைக்கு சேர்க்கப்பட்டார்.

இவ்வாறு லக்ஷிமி காந்த் தெரிவித்தார்.