உ.பி.யின் சம்பல், மீரட்டில் ரம்ஜான் தொழுகை: நிபந்தனைகள் விதித்தது காவல் துறை

புதுடெல்லி: வரும் 31-ம் தேதி ரம்​ஜான் பண்​டிகை கொண்​டாடப்​படு​கிறது. உத்தர பிரதேசத்​தில் அன்​றைய தினம் சிறப்பு தொழுகை நடத்த போலீ​ஸார் நிபந்​தனை​களை விதித்​துள்​ளனர்.

இதற்​காக, உ.பி.​யின் சம்​பல் பகு​தி​யில் அனைத்து சமூகத்​தினர் பங்​கேற்ற அமைதி குழு கூட்​டம் மாவட்ட ஏஎஸ்பி ஷ்சந்​திரா தலை​மை​யில் நடை​பெற்​றது. இதில் அனைத்து மதங்​களைச் சேர்ந்த பொது மக்​களும் பங்​கேற்​றனர். இதுகுறித்து ஏஎஸ்பி ஷ்சந்​திரா கூறுகை​யில், “ரம்​ஜான் ஈத் பண்​டிகை அன்​று, சம்​பல் சாலைகளில் தொழுகை நடத்த அனு​மதி இல்​லை.

மசூ​தி​களில் ஒலிபெருக்​கி​கள் பயன்​படுத்​தவும் அனு​ம​திக்​கப்​ப​டாது. ஈத்கா மற்​றும் மசூ​தி​களின் வளாகத்​துக்​குள் மட்​டுமே தொழுகை நடத்த வேண்​டும், இந்த பாரம்​பரிய தொழுகை வேளை​யின்போது மின்​சா​ரம், தண்​ணீருக்​கான ஏற்​பாடு​கள் சீராக செய்​யப்​படும். இதே​போல், மக்​கள் பரஸ்பர நல்​லிணக்​கத்​துடன் ஈத் முடித்த பின் அடுத்து வரவிருக்​கும் நவராத்​திரியை​யும் அமை​தி​யாகக் கொண்​டாடு​மாறு வேண்​டு​கோள் விடுக்​கப்​பட்​டுள்​ளது” என்​றார்.

மீரட்​டிலும் எச்​சரிக்கை: சம்​பல் அரு​கிலுள்ள மீரட் பகு​தி​யிலும் சாலை​யில் ஈத் தொழுகை நடத்​தி​னால் கடும் நடவடிக்கை எடுக்​கப்​படும் என போலீஸ் எஸ்​.பி. எச்​சரித்​துள்​ளார். மீரட்​டின் பதற்​ற​மான பகு​தி​களில் கூடு​தல் படைகள் நிறுத்​தப்​பட்டு பாது​காப்பு உறுதி செய்​யப்​படு​கிறது. சிசிடி​வி, ட்ரோன்​கள் மற்​றும் உள்​ளூர் உளவு துறை மூலம் தொழுகை நடத்​துபவர்​கள் கண்​காணிக்​கப்​படு​வார்​கள் என்று அறிவிக்​கப்​பட்​டுள்​ளது.

மீறினால் பாஸ்போர்ட் பறிமுதல்: நிபந்​தனை​களை மீறி​னால் அவர்​களது பாஸ்​போர்ட் மற்​றும்​ வாகன ஓட்​டுநர் உரிமங்​கள் பறி​முதல் செய்​யப்​படும் எனவும் மீரட் போலீ​ஸார் எச்​சரித்​துள்​ளனர். கரோனா பரவல் காலத்​துக்கு பிறகு இது​போல் வெள்​ளிக்​கிழமை தொழுகைகளுக்​காக மசூ​தி​களில் எச்​சரிக்கை தொடங்​கியது. ரம்​ஜான், பக்​ரீத் பண்​டிகை​களி​லும் இந்த எச்​சரிக்கை தொடர்​கிறது. உ.பி.​யில் கடந்த ஆண்டு ரம்​ஜான் தொழுகை​களின் போது போலீ​ஸாரின் உத்​தர​வு​களை மீறியதற்​காக 200 பேர் மீது வழக்கு தொடரப்​பட்​டது.