ஆந்திராவில் சாலை விபத்தில் 6 பேர் பலி

ஆந்திர மாநிலத்தில் ஷேர் ஆட்டோ மீது லாரி மோதிய விபத்தில் 3 வயது குழந்தை உட்பட 6 பேர் உயிரிழந்தனர்.

கிழக்கு கோதாவரி மாவட்டம், ராமேஷ்வரம், கொப்பவரம் ஆகிய கிராமங்களைச் சேர்ந்த 14 பேர், வட்லமூரு பகுதியில் நடைபெற்ற திருமண நிகழ்ச்சிக்கு ஷேர் ஆட்டோவில் சென்றனர். திங்கள்கிழமை இரவு திருமண விருந்து முடிந்ததும், அதே ஆட்டோவில் சொந்த ஊர் திரும்பினர். நள்ளிரவு 1 மணியளவில் ஏடிபி சாலையில் செல்லும்போது, எதிரே வந்த டிப்பர் லாரி, இவர்களின் ஆட்டோ மீது மோதியது.

இந்த விபத்தில் ஆட்டோவில் இருந்த 6 பேர் பலியாயினர். காகிநாடா போலீஸார் வழக்குப் பதிவு செய்து விசாரணை மேற்கொண்டுள்ளனர்.