சயீப் அலிகானை கத்தியால் குத்திய வங்கதேசத்தவருக்கு 5 நாள் காவல்: பெயரை மாற்றி சட்ட விரோதமாக வாழ்ந்து வந்தது கண்டுபிடிப்பு

மும்பை: பாலிவுட் நடிகர் சயீப் அலிகானை கத்தி​யால் 6 முறை குத்திய வங்கதேசத்தை சேர்ந்​தவரை போலீ​ஸார் கைது செய்​துள்ளனர். அவரை 5 நாட்கள் போலீஸ் காவலில் விசா​ரிக்க நீதி​மன்றம் அனுமதி அளித்​துள்ளது.

மகாராஷ்டிர மாநிலம் மும்பை பாந்த்ரா பகுதி​யில் உள்ள அடுக்​கு​மாடி கட்டிடத்​தின் 11-வது தளத்​தில் உள்ள வீட்​டில் கடந்த புதன்​கிழமை அதிகாலை நுழைந்த மர்ம நபர் பாலிவுட் நடிகர் சயீப் அலிகானை 6 முறை கத்தி​யால் குத்​தி​விட்டு தப்பி​விட்​டார். படுகாயம் அடைந்த சயீப் அலிகானை மும்பை லீலாவதி மருத்​துவ​மனை​யில் சேர்த்​தனர். அங்கு தீவிர சிகிச்​சைக்​குப் பிறகு அபாய கட்டத்தை அவர் தாண்​டி​விட்​டார்.

இதற்​கிடை​யில், போலீ​ஸார் வழக்​குப் பதிவு செய்து விசாரணை நடத்​தினர். அடுக்​கு​மாடி கட்டிடத்​தில் இருந்த சிசிடி​வி.க்கள் மற்றும் அந்தப் பகுதி​களைச் சுற்றி​யுள்ள சிசிடிவி காட்​சிகளை போலீ​ஸார் தீவிரமாக ஆய்வு செய்​தனர்.

பின்னர், சத்தீஸ்கர் மாநிலம் துர்க் சந்திப்பு ரயில் நிலை​யத்​தில் எக்ஸ்​பிரஸ் ரயிலில் இருந்த ஆகாஷ் கைலாஷ் கனோஜியா என்பவரை கைது செய்​தனர். அவருடைய புகைப்​படத்​தை​யும் போலீ​ஸார் வெளி​யிட்​டனர். ஆனால், சயீப் அலிகானை கத்தி​யால் குத்​தி​யவர் அவர் இல்லை என்று தெரிய வந்தது. எனவே கனோஜி​யாவை நேற்று விடு​வித்து​விட்​டதாக போலீ​ஸார் தெரி​வித்​தனர்.

ஆவணங்கள் இல்லை: இந்நிலை​யில், வங்க தேசத்தை சேர்ந்த ஷரிபுல் இஸ்லாம் ஷெசாத் என்பவரை போலீ​ஸார் பிடித்து விசா​ரித்த போது, அவர்​தான் குற்​றவாளி என்று உறுதி செய்​யப்​பட்​டுள்​ளது. இவர் சட்ட​விரோதமாக இந்தியா​வுக்​குள் ஊடுரு​வி​யுள்​ளார். பின்னர் ஷரிபுல் இஸ்லாம் ஷெசாத் என்ற உண்மையான பெயரை மறைத்து பிஜாய் தாஸ் என்று மாற்றிக் கொண்டு சில மாதங்கள் தானே பகுதி​யில் வசித்துள்ளார். அவர் மீது அத்து​மீறி வீட்டுக்​குள் நுழைந்​தது, சயீப் அலிகானை கத்தி​யால் குத்​தி​யது, அங்கிருந்த பணியாளர்களை தாக்​கியது உட்பட பல்வேறு சட்டப்​பிரிவு​களின் கீழ் போலீ​ஸார் வழக்​குப் பதிவு செய்​துள்ளனர்.
அவரிடம் விசா​ரித்த போது, இந்தியர் என்ப​தற்கான எந்த ஆவணங்​களும் அவரிடம் இல்லை. இதையடுத்து, ஷரிபுல் இஸ்லாம் ஷெசாத்தை போலீ​ஸார் மும்பை நீதி​மன்​றத்​தில் நேற்று ஆஜர்​படுத்​தினர்.

அப்போது, நீதி​மன்​றத்​தில் போலீ​ஸார் தரப்பு வழக்​கறிஞர் கூறும்​போது, ‘‘ஷரிபுல் சட்ட​விரோதமாக இந்தியா​வுக்​குள் ஊடுரு​வி​யுள்​ளார். அவருக்கு உதவிய​வர்கள் யார், தங்கு​வதற்கு ஏற்பாடுகள் செய்​தவர்கள் யார் போன்ற விவரங்களை அறிய வேண்​டும். எனவே, அவரை 14 நாட்கள் போலீஸ் காவலில் விசா​ரிக்க அனும​திக்க வேண்​டும்’’ என்று வலியுறுத்​தினார்.

அதற்கு ஷரிபுல் சார்​பில் ஆஜரான வழக்​கறிஞர் ​தினேஷ் பிரஜாபதி எ​திர்ப்பு தெரி​வித்​தார் இருதரப்பு வாதங்​களை​யும் கேட்ட நீ​திபதி, ஷரிபுல்​லிடம் 5 நாட்​கள் ​போலீஸ் ​காவலில் ​விசாரணை நடத்​த அனும​தி வழங்​கினார்​.