ஒரே நாடு, ஒரே தேர்தல் குறித்து முதல் ஜேபிசி கூட்டத்தில் ஆலோசனை: எதிர்க்கட்சி எம்.பி.க்கள் கடும் எதிர்ப்பு

புதுடெல்லி: நாடு முழு​வதும் ஒரே நேரத்​தில் தேர்தல் நடத்து​வதற்கு வகை செய்​யும் மசோதா கடந்த நாடாளு​மன்ற குளிர்கால கூட்​டத்​தொடரின்​போது அறிமுகம் செய்​யப்​பட்​டது.

இதையடுத்து, அந்த மசோதா நாடாளு​மன்ற கூட்டுக் குழு​வின் பரிசீலனைக்கு அனுப்​பப்​பட்​டது. இதைத்​தொடர்ந்து, ஒரே நாடு, ஒரே தேர்தல் தொடர்பாக 12 மாநிலங்​களவை உறுப்​பினர்​கள், 27 மக்களவை உறுப்​பினர்கள் அடங்கிய கூட்டுக்​குழு அமைக்​கப்​பட்​டது. இந்த குழு​வின் தலைவராக பாஜக எம்பி பி.வி. சவுத்ரி உள்ளார்.

இந்த நிலை​யில், ஒரே நாடு, ஒரே தேர்தல் தொடர்பான நாடாளு​மன்ற கூட்டுக்​குழு​வின் முதல் கூட்டம் நேற்று நடைபெற்​றது. அப்போது, ஒரே நேரத்​தில் தேர்தல் நடத்துவது தேர்தல் செலவுகளை குறைக்​கும் என்று கூறுவது குறித்து காங்​கிரஸ் எம்பி பிரி​யங்கா காந்தி உட்பட பல எதிர்க்​கட்சி எம்பிக்கள் கேள்வி எழுப்​பினர். பல மாநில சட்டப்​பேர​வைகளை முன்​கூட்​டியே கலைத்து மக்களவை பதவிக்​காலத்தை முடக்கு​வதன் மூலம், ஒரே நாடு, ஒரே தேர்தல் திட்டம் அரசி​யலமைப்பு மதிப்புகளை மீறு​வதாக அவர்கள் குற்​றம்​சாட்​டினர்.

பாஜக எம்பி சஞ்சய் ஜெய்ஸ்​வால் இதற்கு பதிலளிக்கை​யில், ‘‘கடந்த 1957-ம் ஆண்டு தொடக்​கத்​தில் ஒரே நேரத்​தில் தேர்தல் நடத்து​வதற்காக ஏழு மாநில சட்டப்​பேர​வைகள் கலைக்​கப்​பட்டன. அப்போதைய ஜவஹர்​லால் நேரு தலை​மையிலான அரசில் அங்​கம் வகித்​தவர்​கள் அரசி​யலமைப்பை மீறி செயல்​பட்​டார்​களா” என்​று தெரிவித்தார்.