தமிழ் மொழியால் இந்தியர்கள் அனைவருக்கும் பெருமை: மனதின் குரல் நிகழ்ச்சியில் பிரதமர் மோடி பெருமிதம்

புதுடெல்லி: நரேந்திர மோடி பிரதமராக பொறுப்​பேற்ற பிறகு மனதின் குரல் (மன் கி பாத்) நிகழ்ச்​சி​யில் ஒவ்வொரு மாதமும் கடைசி ஞாயிற்றுக்​கிழமை அகில இந்திய வானொலி மூலம் நாட்டு மக்களிடம் உரையாற்றி வருகிறார். 2014-ம் ஆண்டு அக்டோபர் 3-ம் தேதி முதல் தொடங்கிய மனதின் குரல் நிகழ்ச்சி நேற்றுடன் 117-வது அத்தி​யா​யத்தை எட்டி​யுள்​ளது. இந்தாண்​டுக்கான கடைசி மனதின் குரல் நிகழ்ச்​சி​யில் பிரதமர் நரேந்திர மோடி பேசி​யுள்ள​தாவது: உலகிலேயே மிகவும் தொன்​மையான மொழி தமிழ் மொழி ஆகும்.

இது, இந்தி​யர்கள் அனைவருக்கும் பெரு​மித​மான, பெருமை சேர்க்​கும் விஷயம். உலகெங்​கிலும் உள்ள நாடு​களில் தமிழ் மொழியை படிப்​பவர்​களின் எண்ணிக்கை தொடர்ந்து அதிக ரித்து வருகிறது. கடந்த மாத இறுதி​யில் ஃபிஜி​யில் இந்திய அரசின் ஆதரவுடன் தமிழ் கற்பித்தல் திட்டம் தொடங்​கப்​பட்​டது. கடந்த 80 ஆண்டு​களில் ஃபிஜி​யில் பயிற்சி பெற்ற தமிழ் ஆசிரியர்கள் தமிழ் மொழியை பயிற்று​விப்பது இதுவே முதல்​முறை. ஃபிஜி மாணவர்கள் தமிழ் மொழியையும், கலாச்​சா​ரத்​தை​யும் கற்றுக்​கொள்​வ​தில் அதிக ஆர்வம் காட்டு​கிறார்கள் என்பதை அறிந்து மகிழ்ச்சி அடைகிறேன். இந்த சம்பவங்கள் வெறும் வெற்றிக் கதை அல்ல. நம்மை பெரு​மிதத்​தால் நிரப்பு​பவை. மொழி, இசை, கலை, ஆயுர்​வேதம் என பாரதத்​தில் அனைத்​தும் கொட்​டிக்​கிடக்​கிறது. அதனால்​தான் இந்தியா உலகள​வில் முத்​திரை பதித்​துக் கொண்​டிருக்​கிறது.

எதிர் வரும் 2025-ம் ஆண்டு ஜனவரி 26-ம் தேதி​யன்று நமது அரசி​யலமைப்பு சட்டத்​தின் 75-வது ஆண்டு நிறைவடைய இருக்​கிறது. இது, நம் அனைவருக்​கும் கவுர​வ​மிகு தருணமாகும். நமது அரசி​யலமைப்பு சட்ட பிதாமகர்கள் நம்மிடம் ஒப்படைத்​திருக்​கும் அரசி​யலமைப்பு அனைத்து காலகட்​டங்​களி​லும் நமக்கு வழிகாட்டும் ஒளியாக விளங்​கு​கிறது. அந்த பாதை​யில் நாம் தொடர்ந்து பயணித்து வருகிறோம். இந்த அரசி​யல்​சட்​டத்​தால்​தான் நான் இங்கு உங்களோடு உரையாடிக் கொண்​டிருக்​கிறேன். தேசத்​தின் குடிமக் கள் அனைவரும் அரசி​யலமைப்​பின் பெரு​மைகளை உணர constitution75.com என்ற பெயரில் ஒரு சிறப்பு இணையதளம் உருவாக்​கப்​பட்​டுள்​ளது.

இதன் மூலம் பல்வேறு மொழிகளில் அரசியல் சட்டத்தை வாசித்து பொது​மக்கள் தங்கள் கருத்துகளை தெரிவிக்​கலாம். குறிப்​பாக, பள்ளி குழந்தைகள், கல்லூரி மாணவர்கள் இதில் பங்கேற்க வேண்​டும் என்பது எனது விருப்​பம்.

மகா கும்​பமேளா: அடுத்த மாதம் 13-ம் தேதி முதல் உத்தர பிரதேச மாநிலம் பிரயாக்​ராஜில் மகா கும்​பமேளா நடைபெற​விருக்​கிறது. இதற்கான ஏற்பாடுகள் சங்கமத்​தின் கரையில் தடபுடலாக நடந்​தேறி வருகின்றன. இந்த கும்​பமேளா​வின்​போது ஒற்றுமை, உறுதிப்​பாட்டை மனதில் ஏந்தி வீடு திரும்​புவோம். சமுதா​யத்​தில் பிரி​வினை மற்றும் வெறுப்பு​ணர்​வுக்கு முடிவு​கட்டும் உறுதிப்​பாட்​டை​யும் ஏற்போம். 2014-ம் ஆண்டு தொடங்​கப்​பட்ட மனதின் குரல் தேசத்​தின்
சமூக சக்​தி​யின் உயிர்ப்புடைய ஆவணமாக மாறி​யிருக்​கிறது. தேசத்​தின் மூலை​முடுக்​கெல்​லாம் பரவி​யிருக்​கும் ஆக்கப்​பூர்​வமான சக்தியை இந்நிகழ்ச்சி ஒருங்​கிணைக்​கிறது. இப்போது, 2025-ம் ஆண்டின் கதவை தட்டிக்​கொண்​டிருக்​கிறது. வரும் ஆண்டிலும் மனதின் குரல் வாயிலாக நாம் மேலும் உத்வேகம் அளிக்​கும் முயற்சி​களைப் பரிமாறிக் கொள்​வோம். அனை​வருக்​கும் 2025 புத்​தாண்​டு நல்​வாழ்த்து​கள். இவ்​வாறு பிரதமர்​ நரேந்திர மோடி பேசி​யுள்​ளார்​.