டெல்லியில் சட்டப்பேரவை தேர்தலை முன்னிட்டு ஆம் ஆத்மி மீது பாஜக குற்றப்பத்திரிகை வெளியீடு

புதுடெல்லி: டெல்​லி​யில் அடுத்த ஆண்டு தொடக்​கத்​தில் சட்டப்​பேரவைத் தேர்தல் நடைபெறுவதை முன்னிட்டு, ஆம் ஆத்மி அரசு மீது குற்​றப்​பத்​திரி​கையை வெளி​யிட்டது பாஜக.

டெல்​லி​யில் கடந்த 10 ஆண்டு களாக ஆட்சி​யில் உள்ள ஆம் ஆத்மி, 3-வது முறையாக ஆட்சி​யைப் பிடிக்க தீவிரமாக உள்ளது. அதேநேரத்​தில் காங்​கிரஸ் கட்சி​யுடனோ அல்லது எதிர்க்​கட்​சிகளின் இண்டியா கூட்​ட​ணி​யுடனோ இணைந்து போட்​டியிட மாட்​டோம். தனித்தே போட்​டி​யிடு​வோம் என்று கேஜ்ரிவால் திட்​ட​வட்​டமாக அறிவித்​துள்ளார்.

இந்நிலை​யில் சட்டப்​பேர​வைத் தேர்தலை முன்னிட்டு, ஆம் ஆத்மி கட்சிக்கு எதிராக குற்​றப்​பத்​திரி​கையை பாஜக முன்​னாள் அமைச்சர் அனுராக் தாக்​குர் டெல்​லி​யில் நேற்று வெளி​யிட்​டார். இதுகுறித்து செய்தி​யாளர்​களிடம் அனுராக் தாக்​குர் கூறிய​தாவது: ஆம் ஆத்மி அரசு யமுனை நதியை மோசமான அளவுக்கு மாசுபடுத்தி உள்ளது. யமுனை நதியில் துர்​நாற்றம் வீசுகிறது, நுரையாக இருக்​கிறது, நச்சுத்​தன்மை கொண்​டதாக மாறி​விட்​டது. கடந்த 2022-ம் ஆண்டு செய்தி​யாளர்கள் சந்திப்​பில் அர்விந்த் கேஜ்ரிவால் பேசும்​போது, “அடுத்த தேர்​தலுக்​குள்(2025) நானும் மக்களும் யமுனை நதியில் மூழ்கி எழுவோம்” என்று
கூறினார்.

ஆம் ஆத்மி பதவி​யேற்று 10 ஆண்டுகள் முடிந்​து​விட்டன. யமுனை நதி தூய்​மை​யானதா? டெல்​லி​யில் காற்று மாசு மிகவும் அபாயகரமான 500 ஏகியூஐ அளவை தாண்​டி​விட்​டது. டெல்​லி​யில் மக்களுக்கு அத்தி​யா​வசி​யமான தண்ணீர் கிடைக்க​வில்லை. பிரதமர் மோடி​யின், ‘ஜல் ஜீவன்’ திட்டம் ஒவ்வொரு​வருக்​கும் தண்ணீரை உறுதி செய்​துள்ளது. ஆனால், டெல்​லியில் அந்தத் திட்​டத்தை அமல்​படுத்த ஆம் ஆத்மி அரசு தயாராக இல்லை.

டெல்​லியை கேஜ்ரிவாலின் ஊழல், மாசுபாட்​டில் இருந்து காப்​பாற்ற வேண்​டும். டெல்​லி​யில் ஊழல் மலிந்து கிடக்​கிறது. குடிநீர் வாரிய ஊழல், பள்ளி வகுப்பறை ஊழல், மெகலா கிளினிக் ஊழல், வக்பு வாரிய ஊழல், மதுபான ஊழல், டிடிசி ஊழல்... இப்படி பட்டியல் நீண்டு கொண்டே செல்​கிறது. டெல்​லி​யில் ஊழல்​வா​தி​களின், கிரிமினல்​களின் நண்பராக அர்விந்த் கேஜ்ரிவால் இருக்​கிறார். அவரை நாங்கள் மன்னிக்க மாட்​டோம். இவற்றை எல்லாம் நாங்கள் சுத்​தப்​படுத்து​வோம். இவ்வாறு அனுராக் தாக்​குர் கூறினார்.

இதுகுறித்து கேஜ்ரிவால் கூறும்​போது, “டெல்லி தேர்​தலில் போட்​டி​யிடு​வதற்கு அவர்​களிடம் எந்த திட்​ட​மும் கொள்​கை​யும் இல்லை. ஐந்து ஆண்டு​களில் டெல்​லிக்கு பாஜக என்ன செய்தது என்பதை அவர்கள் சொல்ல வேண்​டும். ஆனால், டெல்லி மக்களுக்காக மின்​சா​ரம், தண்ணீர், பெண்கள் இலவச போக்கு​வரத்து, சாலைகள் என பல்வேறு திட்​டங்களை ஆம் ஆத்மி அமல்​படுத்தி உள்​ளது. டெல்​லி​யில் சட்​டம் ஒழுங்கு சீர்​குலைந்​து​விட்​டது. இப்​போது அவர்​கள் தேர்​தலுக்காக வரு​கிறார்​கள். அவர்​களிடம் ​முதல்​வர் வேட்​பாளர் என்று ​யாரும் இல்​லை” என்​றார்​.