பெங்களூருவில் டிச. 20-ம் தேதி த‌மிழ் புத்தக திருவிழா

பெங்களூரு: தமிழ்ப் புத்​தகத் திரு​விழா தலைவர் வணங்​கா​முடி நேற்று பெங்​களூரு​வில் செய்தி​யாளர்​களிடம் கூறிய​தாவது: கர்நாடகத் தமிழ்ப் பத்திரி​கை​யாளர் சங்கத்​தின் சார்பாக கடந்த 2 ஆண்டு​களாக பெங்​களூரு​வில் தமிழ்ப் புத்​தகத் திரு​விழா நடத்​தப்​பட்​டது. இதற்கு தமிழ் மக்களிடையே நல்ல வரவேற்பு கிடைத்​தது.

இதைத் தொடர்ந்து இந்த ஆண்டும், புத்​தகத் திரு​விழாவுக்கு ஏற்பாடு செய்​யப்​பட்டுள் ​ளது. டிசம்பர் 20-ம் தேதி காலை 10 மணிக்கு சிவாஜி நகர் அருகிலுள்ள‌ இன்ஸ்​டிடியூஷன் ஆஃப் இன்ஜினியர்ஸ் வளாகத்​தில் இந்த புத்​தகத் திரு​விழாவை இஸ்ரோ முன்​னாள் தலைவர் கே.சிவன் தொடக்கி வைக்​கிறார். வரும் 29-ம் தேதி வரை 10 நாட்கள் நடைபெறவுள்ள இவ்விழா​வில் தினமும் மாலை புத்தக வெளி​யீடு, கருத்​தரங்​கம், பட்டிமன்​றம், இலக்கிய நிகழ்ச்​சிகளுக்கு ஏற்பாடு செய்​யப்​பட்​டுள்​ளது.

இதில் கன்னட எழுத்​தாளர் எஸ்.ஜி.சித்த​ராமையா, பகுஜன் சமாஜ் கட்சி​யின் முன்​னாள் தென்னிந்திய ஒருங்​கிணைப்​பாளர் கோபிநாத், முன்​னாள் திமுக எம்எல்ஏ கொ.வீ.நன்னன், எழுத்​தாளர் என்.சொக்கன் உள்ளிட்​டோர் பங்கேற்​கின்​றனர். 30-க்​கும் மேற்​பட்ட பதிப்​பகங்கள் பங்கேற்​கும் இக்கண்காட்​சி​யில் பெங்​களூருவை சேர்ந்த தமிழ்ப் பள்ளி, கல்லூரி​களில் பயிலும் மாணவர்​களும் பங்கேற்க உள்ளனர். இவ்​வாறு அவர் தெரி​வித்​தார்​.