தன்கர் - கார்கே வாக்குவாதம்: மாநிலங்களவை ஒத்திவைப்பு

புதுடெல்லி: ​மாநிலங்​கள​வைத் தலைவர் ஜகதீப் தன்கருக்கு எதிராக, எதிர்க்​கட்​சிகளின் இண்டியா கூட்டணி சார்​பில் கடந்த 10-ம் தேதி நம்பிக்கை​யில்லா தீர்​மானம் சமர்ப்​பிக்​கப்​பட்​டது.

மாநிலங்​களவை செகரட்டரி ஜெனரலிடம் அந்தத் தீர்​மானம் வழங்​கப்​பட்​டது. இதற்கு ஆளும் பாஜக எம்.பி.க்கள் கடும் எதிர்ப்பு தெரி​வித்து வருகின்​றனர். இந்நிலை​யில், மாநிலங்​களவை நேற்று காலை 11 மணிக்கு கூடியதும், அவைத் தலைவர் தன்கர் பேசி​ய​தாவது: நம்பிக்கை​யில்லா தீர்​மானம் கொண்டு வருவதற்கு எதிர்க்​கட்​சிகளுக்கு உரிமை உள்ளது. அதேநேரத்​தில் விதி​முறைகளை மீறுகின்​றனர். எழுத்​துப்​பூர்​வமாக நோட்​டீஸ் அளித்த 14 நாட்​களுக்​குப் பிறகு​தான் அதன் மீது விவாதம் நடத்த முடி​யும். ஆனால், எதிர்க்​கட்சி உறுப்​பினர்கள் விதிகளை மீறுகின்​றனர். நான் விவசா​யி​யின் மகன். எந்த பலவீனத்​தை​யும் வெளி​யில் காட்​டிக் கொள்ள மாட்​டேன்.

என் தாய்​நாட்டுக்காக என் வாழ்க்கையை தியாகம் செய்​வேன். நான் எவ்வளவோ பொறுமை யாக இருந்​து​விட்​டேன். நம்பிக்கை​யில்லா தீர்​மானம் கொண்டு வர உங்களுக்கு உரிமை உள்ளது. ஆனால், அரசி​யலமைப்பு சட்டத்தை நீங்கள் அவமானப்​படுத்து​கிறீர்​கள். இவ்வாறு தன்கர் பேசினார். அதற்கு காங்​கிரஸ் எதிர்க்​கட்​சித் தலைவர் மல்லி​கார்ஜுன கார்கே கூறும்​போது, ‘‘நீங்கள் விவசா​யி​யின் மகனாக இருந்​தால், நான் கூட தொழிலா​ளி​யின் மகன்​தான். ஆளும் கட்சி உறுப்​பினர்களை பேச அனும​திக்​கிறீர்​கள். அவர்கள் தொடர்ந்து எங்கள் கட்சியை அவமானப்​படுத்தி பேசுகின்​றனர். அதை நீங்கள் ஊக்கப்​படுத்து​கிறீர்​கள்’’ என்றார். இத​னால் அவை​யில் கூச்​சல் குழப்​பம் ஏற்​பட்டது. இதையடுத்து அவை தொடங்கிய ஒரு மணி நேரத்​துக்​குள் நாள் ​முழு​வதும் ஒத்​திவைக்​கப்​பட்​டது.