‘போர்ப்ஸ்’ இதழின் உலகின் சக்தி வாய்ந்த பெண்கள் பட்டியலில் நிர்மலா சீதாராமன், ரோஷினி, கிரண் மஜும்தாருக்கு இடம் 

புதுடெல்லி: அமெரிக்​கா​வில் இருந்து வெளிவரும் பிரபல போர்ப்ஸ் இதழ், உலகள​வில் பல்வேறு துறை​களில் சக்தி வாய்ந்​தவர்​களாக செயல்​படும் 100 பெண்​களின் பட்டியலை ஆண்டு​தோறும் வெளி​யிட்டு வருகிறது. அதன்​படி, 2024-ம் ஆண்டுக்கான 21-வது ஆண்டு பெயர் பட்டியலை போர்ப்ஸ் இதழ் வெளி​யிட்​டுள்​ளது. அதில், மத்திய நிதி​யமைச்சர் நிர்மலா சீதா​ராமன், எச்சிஎல் நிறுவன தலைவர் ரோஷினி நாடார் மல்கோத்ரா, பயோகான் நிறு​வனர் கிரண் மஜும்தார் ஷா ஆகிய 3 பேர் இடம்​பெற்றுள்​ளனர்.

நிர்மலா சீதா​ராமன்: இவர் போர்ப்ஸ் பட்டிய லில் 28-வது இடத்​தில் இருக்​கிறார். மத்திய நிதி​யமைச்​சராக கடந்த 2019-ம் ஆண்டு மே மாதம் நியமிக்​கப்​பட்​டார். அதன்​பின்னர் 2024 தேர்​தலுக்​குப் பின்னர் மீண்​டும் நிதி​யமைச்​சரானார். பெண்​களுக்கு நிதி அதிகாரம் கிடைக்க வேண்​டும் என்று வலியுறுத்தி வருகிறார். பெண்​களும் தொழில் முனை​வோராக வரவேண்​டும் என்ப​தற்காக உதவிகளை செய்து வருகிறார்.

ரோஷினி நாடார்: எச்சிஎல் நிறு​வனத்​தின் தலைவராக இருக்​கிறார். இவர் போர்ப்ஸ் பட்டியலில் 81-வது இடத்​தில் உள்ளார். இந்தியா​வின் மிகப்​பெரிய ஐ.டி. நிறு​வனங்​களில் எச்சிஎல் நிறு​வன​மும் ஒன்று. எச்சிஎல் கார்ப்​பரேஷன் நிறு​வனத்​தின் சிஇஓ.வாக​வும் இருக்​கிறார். இவரது தந்தை ஷிவ் நாடார் உருவாக்கிய நிறு​வனத்தை மேலும் வளர்ச்​சி​யடைய செய்தது மட்டுமன்றி, ஷிவ் நாடார் அறக்​கட்​டளை​யின் பொருளாளராக​வும் இருக்​கிறார். இயற்கை வாழ்​விடங்களை பாது​காக்​கும் நோக்​கில், ‘தி ஹேபிடட்ஸ் ட்ரஸ்ட்’ நிறு​வி​யுள்​ளார். இதழியல் படித்​தவர். கெல்​லாக் ஸ்கூல் ஆப் மேனேஜ்மென்ட் நிறு​வனத்​தில் எம்பிஏ முடித்​துள்ளார்.

கிரண் மஜும்தார் ஷா: போர்ப்ஸ் இதழ் பட்டி யலில் 82-வது இடத்தை பிடித்​துள்ளார். அத்துடன் 2024-ல் இந்தியா​வில் மிகப்​பெரிய பணக்​காரர்கள் வரி சை​யில் 91-வது இடத்​தில் இருக்​கிறார். பயோடெக்​னாலஜி துறை​யில் முதல் முறையாக புது​மைகளை புகுத்​தி​ய​வர். பயோகான் நிறு​வனத்தை தொடங்கி வெற்றி பெற்​றவர். சர்​வதேச அள​வில் இவருடைய நிறு​வனம் கிளைகளை ​கொண்​டுள்​ளது. ஆசி​யா​வில் மிகப்​பெரிய அள​வில் இன்​சுலின் உற்​பத்தி ஆலையை மலேசி​யா​வில்​ நடத்​தி வருகிறார்​.