உ.பி.யில் ரூ.2 கோடி பறிமுதல்: இருவர் கைது

உத்தரப் பிரதேசத்தில் ரயில் நிலையத்தில், ரூ.2 கோடி பணத்தை எடுத்துச் சென்ற இருவரை போலீஸார் கைது செய்துனர்.

இதுகுறித்து ரயில்வே காவல் ஆய்வாளர் ஆர்.கே. சிங் தெரிவிக்கையில்,

இன்று காலை, முகல்சராய் தீன் தயால் உபாத்யாயா நகர் சந்திப்பில் சந்தேகத்திற்கிடமான வகையில் இருவரை போலீஸார் கைது செய்தனர். அவர்களிடமிருந்து ரூ.2 கோடி அளவிலான பணம் பறிமுதல் செய்யப்பட்டது-

வருமான வரித்துறை அதிகாரிகள் உடனடியாக வரவழைக்கப்பட்டனர். இவ்வளவு பெரிய தொகையை அவர்கள் எங்கிருந்து எங்கு கடத்திச் செல்கிறார்கள் என்பது குறித்து விசாரணை நடைபெற்று வருகிறது.

இவ்வாறு ஆர்.கே.சிங் தெரிவித்தார்.