டெல்லி தேர்தலில் ஆம் ஆத்மி வெற்றி பெற்றால் பெண்களுக்கு மாதம் ரூ.2,100 வழங்க கேஜ்ரிவால் வாக்குறுதி

புதுடெல்லி: டெல்​லி​யில் கடந்த 2015-ம் ஆண்டு சட்டப்​பேர​வைத் தேர்​தலில் மொத்தம் உள்ள 70 தொகு​தி​களில் 67 இடங்​களைக் கைப்​பற்றி ஆம் ஆத்மி முதல் முறையாக ஆட்சி​யைக் கைப்​பற்றியது. அதன்​பின் 2020-ம் ஆண்டு தேர்​தலில் 62 இடங்​களில் வென்று ஆட்சி​யைத் தக்க​வைத்​தது.

இந்நிலை​யில், அடுத்த ஆண்டு தொடக்​கத்​தில் சட்டப்​பேர​வைத் தேர்தல் நடைபெற உள்ளது. இந்த தேர்​தலிலும் வெற்றி பெற்று தொடர்ந்து 3-வது முறையாக ஆட்சி அமைக்க ஆம் ஆத்மி கட்சி வியூகம் வகுத்​துள்ளது.

இதற்​கிடை​யில், காங்​கிரஸ் மற்றும் இண்டியா கூட்​ட​ணி​யுடன் சேர்ந்து தேர்தலை சந்திக்கப் போவதில்லை. டெல்லி சட்டப்​பேர​வைத் தேர்​தலில் தனித்தே போட்​டி​யிடு​வோம் என்று ஆம் ஆத்மி கட்சி​யின் ஒருங்​கிணைப்​பாளர் அரவிந்த் கேஜ்ரிவால் திட்​ட​வட்​டமாக தெரி​வித்​துள்ளார். இதுகுறித்து கேஜ்ரிவால் நேற்று கூறிய​தாவது: டெல்​லி​யில் பதிவு செய்​யப்​பட்ட பெண்​களுக்கு மாதம் ரூ.1,000 வழங்​கப்​படும் என்று அறிவித்​திருந்​தோம். அந்தத் திட்​டத்​துக்கு முதல்வர் ஆதிஷி தலைமையிலான அமைச்​சர​வைக் கூட்​டத்​தில் இன்று ஒப்புதல் வழங்​கப்​பட்டு விட்​டது. அதேநேரத்​தில் டெல்லி சட்டப்​பேர​வைத் தேர்தல் தேதிகள் 15 நாட்​களில் அறிவிக்​கப்​படும் என்று எதிர்​பார்க்​கப்​படு​கிறது. எனவே, தற்சம​யத்​துக்கு இந்த உதவித்தொகையை வழங்க இயலாது.

ஆனால், இந்த உதவித் தொகை போதாது என்று பெண்கள் பலர் கருத்து தெரி​வித்​துள்ளனர். எனவே, தேர்​தலில் ஆம் ஆத்மி மீண்​டும் வெற்றி பெற்​றால், பெண்​களுக்கு மாதந்​தோறும் ரூ.2,100 வழங்​கப்​படும். பெண்​களுக்கு உதவித் தொகை வழங்​கும் திட்டம் முன்​கூட்​டியே அமல்​படுத்தி இருப்​போம். ஆனால், பாஜக சதி செய்து என்னை சிறைக்கு அனுப்​பியது. இவ்வாறு கேஜ்ரிவால் கூறினார். உடன் டெல்லி முதல்வர் ஆதிஷி இருந்​தார்.

இதுகுறித்து டெல்லி பாஜக தலைவர் வீரேந்திர சச்தேவா கூறும்​போது, “கேஜ்ரிவால் அளித்த வாக்​குறு​தி​யின்படி பஞ்​சாபில் எத்தனை பெண்​களின் வங்​கிக் கணக்​கு​களில் பணம் செலுத்​தப்​பட்​டது. இப்​போது டெல்லி தேர்தலை ​முன்னிட்டு மக்​களுக்கு, குறிப்பாக பெண்​களுக்கு ‘லாலிபாப்’ ​கொடுக்​கிறாரா?” என்று கேள்​வி எழுப்​பினார்​.