சம்பல் மசூதி ஆய்வு விவகாரத்தில் உச்ச நீதிமன்ற தலைமை நீதிபதி தலையிட வேண்டும்: ஜமாத் எ உலாமா ஹிந்த் வலியுறுத்தல்

புதுடெல்லி: உத்தர பிரதேச மாநிலம் சம்பலில் உள்ள ஜமா மசூதி, இந்து கோயிலை இடித்து கட்டப்​பட்​ட​தாகப் புகார் எழுந்​துள்ளது. இங்கு விஷ்ணு​வின் கடைசி அவதா​ரமான கல்கி​யின் கோயில் இருந்தது என சம்பல் நீதி​மன்​றத்​தில் மனு அளிக்​கப்​பட்​டது. கடந்த நவம்பர் 19-ம் தேதி அந்த மனுவை விசா​ரித்த சிவில் செஷன்ஸ் நீதிபதி, அதே தினத்​தில் ஆய்வு செய்ய உத்தர​விட்​டார். அதன்படி மசூதி​யில் நடை பெற்ற ஆய்வு மீண்​டும் கடந்த நவம்பர் 24-ம் தேதி நடைபெற்​றது. அப்போது ஏற்பட்ட வன்முறை​யில் 4 பேர் உயிரிழந்​தனர்.

இந்நிலை​யில், முஸ்​லிம்​களின் ஒரு முக்கிய அமைப்பான ஜமாத்​-எ-உலாமா ஹிந்த் (ஜேயுஎச்) தலைவர் மவுலானா மஹமூத் மதானி வெளி​யிட்​டுள்ள அறிக்கை​யில் கூறி​யிருப்​ப​தாவது: சம்பலில் காவல் துறை நடத்திய அராஜகத்தை ஜேயுஎச் கண்டிக்​கிறது. அயோத்தி பாபர் மசூதி தீர்ப்​பில், அயோத்​தி​யில் எந்த மசூதி​யும் கட்டப்​பட​வில்லை என்ற வாதத்தை முஸ்​லிம்கள் கசப்பாக விழுங்க வேண்​டி​யிருந்​தது. எனினும், இந்த உத்தர​வால் நாட்​டில் அமைதி நிலவும் எனக் கருதப்​பட்​டது. ஆனால், இந்த தீர்ப்​புக்கு பிறகு நாட்​டில் உள்ள மசூதி​களின் கீழ் கோயில்கள் இருப்​பதாக தற்போது நிறுவ முயற்சிக்​கப்​படு​கிறது. இது, நாட்​டின் ஒற்றுமை மற்றும் அமைதிக்கு எதிரி​களாக மதவாத சக்திகள் இருப்பதை காட்டு​கிறது.

சட்டம் என்பது அனைவருக்​கும் ஒரே வகையில் இருக்க வேண்​டும். மதத்​தின் அடிப்​படை​யில் பொது​மக்கள் மீது காழ்ப்பு​ணர்வு இருக்க கூடாது. மத்திய அரசின் வழிபாட்டுத் தலங்கள் பாது​காப்புச் சட்டம் 1991-ஐ மீறி கீழ் நீதி​மன்​றங்​களில் ஆய்வுக்கான உத்தர​வுகள் பிறப்​பிக்​கப்படு​கின்றன. இந்த சட்டம் தொடர்பான வழக்​கில் ஓராண்டாக எந்த விசா​ரணை​யும் நடைபெற​வில்லை. இந்த வழக்கை உச்ச நீதி​மன்றம் விரைந்து விசா​ரித்து முடிவு எடுக்க வேண்​டும். இதற்​காக, எங்கள் ஜேயுஎச் உச்ச நீதி​மன்​றத்​தில் மனு அளித்​துள்ளது. இதில், அனைத்து மசூதிகள் உள்ளிட்ட வழிபாட்டுத் தலங்கள் பாது​காக்​கப்பட வேண்​டும் எனக் கோரி​யுள்​ளது. இந்த ​விவ​காரத்​தில் உச்ச நீ​தி​மன்ற தலைமை நீ​திபதி தலையிட வேண்​டும். இவ்​வாறு அறிக்கை​யில் கூறப்​பட்​டுள்​ளது.