நடனமாடியபோது ‘கார்பா கிங்’ மாரடைப்பால் உயிரிழப்பு

புதுடெல்லி: மகாராஷ்டிர மாநிலம் சக்கான்நகரில் நவராத்திரி பண்டிகையை யொட்டி தாண்டியா, கார்பா நடன நிகழ்ச்சிகள் நேற்று நடத்தப்பட்டன.

இதில், புனே ‘கார்பா கிங்’ என்றுஅழைக்கப்படும் 50 வயதான அசோக் மாலி தனது மகன்பவேஷுடன் கலந்து கொண்டார். அப்போது இருவரும் உற்சாகத்துடன் நடனமாடினர். இதனை கூடியிருந்த கூட்டத்தினர் கைதட்டி ஆரவாரத்துடன் ரசித்தனர். அப்போது, திடீரென மாரடைப்பு ஏற்பட்டு கால் இடறி மயங்கி விழுந்த அசோக் மாலியை அருகில் இருந்தவர்கள் மீட்டு உடனடியாக அருகில் உள்ள மருத்துவமனைக்கு அனுப்பி வைத்தனர்.

அவரை பரிசோதித்த மருத்துவர்கள் வரும் வழியிலேயே அசோக் மாலி உயிரிழந்துவிட்டதாக தெரிவித்தனர். ‘கார்பா கிங்’கின் இந்ததிடீர் மரணம் அவரது ரசிகர்களிடையே அதிர்ச்சியை ஏற்படுத்தியுள்ளது. இந்த வீடியோ சமூக வலைதளங்களில் வெளியாகியுள்ளது.