வைகுண்ட ஏகாதசி, துவாதசிக்கு திருப்பதியில் 1.75 லட்சம் பக்தர்கள் தரிசனம்

24-ம் தேதி ரதசப்தமி திருவிழா

திருப்பதி ஏழுமலையான் கோயிலில் வரும் 24-ம் தேதி 'மினி பிரம்மோற்ஸவம்' என்றழைக்கப்படும் ரதசப்தமி திருவிழா சிறப்பாக நடைபெற உள்ளதாக தேவஸ்தானம் அறிவித்துள்ளது. அன்றைய தினம், உற்ஸவரான மலையப்ப சுவாமி அதிகாலை முதல் இரவு வரை 7 வாகனங்களில் மாடவீதிகளில் பவனி வந்து பக்தர்களுக்கு அருள் பாலிக்க உள்ளார்.

ஆர்ஜிதசேவைகளுக்குஅனுமதி

வைகுண்ட ஏகாதசி, துவாதசியை முன்னிட்டு கடந்த டிசம்பர் மாதம் 28-ம் தேதி முதல் ஜனவரி மாதம் 1-ம் தேதி வரை திருமலை திருப்பதி தேவஸ்தானம் அனைத்து ஆர்ஜித சேவைகளும் ரத்து செய்வதாகவும் சிபாரிசு கடிதங்களை ஏற்க மாட்டோம் எனவும் அறிவித்தது. இந்நிலையில், இன்று முதல், வழக்கம்போல் அனைத்து ஆர்ஜித சேவைகளும் தொடங்கியது. கட்டணம் செலுத்தி டிக்கெட் பெற்ற பக்தர்கள் இன்று காலை முதல் ஆர்ஜித சேவைகளில் பங்கேற்று வருகின்றனர்.