சர்வதேச தரத்தில் திருப்பதி ரயில் நிலையம்: ரயில்வே பொதுமேலாளர் தகவல்

தென் மத்திய ரயில்வே பொதுமேலாளர் வினோத் குமார் யாதவ் நேற்று விஜயவாடாவில் கூறியதாவது:

ஆந்திர மாநிலத்தைச் சேர்ந்த நாடாளுமன்ற உறுப்பினர்களுடன் ரயில்வே வளர்ச்சி பணிகள் குறித்து நடந்த ஆலோசனை கூட்டத்தில் பல நல்ல முடிவுகள் மேற்கொள்ளப்பட்டுள்ளன. அதன்படி, ஆந்திர மாநிலத்தில் 60-க்கும் மேற்பட்ட ரயில்வே மேம்பாலங்கள் கட்டப்பட உள்ளன. நாடு முழுவதிலும் இருந்து திருப்பதி ஏழுமலையானை தரிசிக்க வரும் பக்தர்களின் வசதிக்காக , திருப்பதி ரயில் நிலையம் ரூ. 400 கோடியில் சர்வதேச தரத்தில் அமைக்கப்படும். ஆந்திர தலைநகர் அமராவதியிலிருந்து ராயலசீமா பகுதிகளுக்கு புதிய ரயில் போக்குவரத்து தொடங்க வேண்டுமென பலர் கருத்து தெரிவித்துள்ளனர். இது குறித்து விரைவில் பரிசீலிக்கப்படும்.

இவ்வாறு அவர் கூறினார்.