வேலைவாய்ப்பு கோரி நடிகை ரோஜா ஆர்ப்பாட்டம்

ஒய்.எஸ்.ஆர். காங்கிரஸ் கட்சியின் ஆந்திர மாநில மகளிர் அணி தலைவராக நடிகை ரோஜா உள்ளார். நகரி தொகுதியின் சட்டப்பேரவை உறுப்பினரான இவர், தனது ஆதரவாளர்களுடன் புத்தூரில் நேற்று நூதன ஆர்ப்பாட்டத்தில் ஈடுபட்டார். அப்போது அனைவரும் தங்களது காதுகளில் பூ வைத்திருந்தனர்.

அவர் பேசும்போது, “கடந்த 2014-ல் நடைபெற்ற ஆந்திர தேர்தலின்போது, பல்வேறு வாக்குறுதிகளை சந்திரபாபு நாயுடு வழங்கினார். ஆனால் முதல்வரான பிறகு சந்திரபாபு தனது வாக்குறுதியை நிறைவேற்றவில்லை. ஆட்சியை பிடிக்க அவர் எல்லோரையும் ஏமாற்றி உள்ளார். ஆட்சிக்கு வந்து 4 ஆண்டுகள் ஆகியும், வீட்டுக்கு ஒருவருக்கு வேலை வாய்ப்பு வழங்கப்படும் என்ற வாக்குறுதியை நிறைவேற்றவில்லை. மாநிலத்துக்கு சிறப்பு அந்தஸ்து பெறவும் தவறி விட்டார். இவருக்கு தேர்தலில் மக்கள் பாடம் புகட்டுவார்கள்” என்றார்.